“Единай Россия” 20-тэн тахса сыл салайбытыгар туох уларыйыы буолла?
1) Бэйэлэрэ сытыйа байдылар. Үлэ аҕыйаата. Тыа хаһаайыстыбата эһиннэ. Умнаһыт элбээтэ.
2) Медицина, үөрэх төлөбүрдээх буолла. Ким харчылаах эрэ эмтэнэр кыахтаах.
3) Радиация, химзавод, атомнай ЭС диэн баар буолла. Өрүстэри сүһүртүлэр. Ковид, вакцина үөдүйдэ. Үөннэри бэйэлэрэ ыһан баран, ону эмтиибит диэбитэ буолан дьааттаах порошогу самолеттан быраҕаллар. Тыабытын сыл аайы уоттууллар. Көмүс, алмаас хостоон айылҕаны айгыраттылар. Онко-ыарыы бөҕө. Дьону көҕүрэтэр политика.
4) Пенсийэ сааһын үрдэттилэр. Карантиҥҥа хаайан олорон, дьону үлэтэ суох гыннылар.
5) Уоруйах былааһа көстөн кэлиэ диэн, революция бырааһынньыгын суох гыннылар. Оҕо учебнигыттан ыллылар. Ленини ньиэмэс үспүйүөнэ диэн сымыйанан сырдаттылар.
6) Норуот туһугар үлэлиир дьону хаайталыыллар. Сорохторун сүһүртүлэр, суох да гынаттыыллар.
7) Быыбарга «аптаах ручканан» албынныыллар. Дьону харчынан мэҥиэлээн баран, быыбардатан, ону төттөрү нолуогунан ылаллар. Хас да сылы мэлдьи албыннаан кыайаллар. Чиэһинэй салайааччылары быыбарга киллэрбэттэр.
8) Россия норуота собуоттарын эспиттэрин иһин, үлэ суоҕун, ядернай отходтары утаран эҥин миитиҥҥэ тахсалларын, иһин росгвардиялар дубинканан кырбыыллар. Россия бэйэтэ тугу да оҥорбокко, баайын атыылаан эрэ олорор. Сайдыы өттүгэр омуктартан хас эмит сыл хаалан иһэр.
9) Кытай уонна атын да омук бөҕөнү киллэрдилэр. Быыбарга кыайаары пропискалыы аҕай тураллар. Тыабытын, сирбитин Кытайга атыылыыллар. Гааспытын кытайга бэйэбитинээҕэр чэпчэкилии биэрдилэр.
10) Россия каналлара сымыйаны кэпсээн, ЕР-ы хайҕаан дыбарыас бөҕө тутуннулар. Бэйэлэрин көрүммэккэ, атыттары куһаҕан диэн көрдөрөллөр.
Единэйдэр маннык эрээри дьону хайдах таллараары гыналлар? Россия норуота ЕР-ы бары сөбүлээбэт буоллулар.
Саха киһитэ.
“Туймаада” хаһыат 11-с №-рэ,
2023 с. бэс ыйын 1 күнэ.
