Тас ааны арыйан киирээт да ким буоларгын туоһулуур докумуоҥҥун, сүгэ, тута сылдьар суумкаҥ иһигэр туох мал-сал баарын, бэйэҕин анал тэрилинэн сууралаан бэрэбиэркэлиир суут үлэһиттэрин 2019 сыллааҕы дохуоттарын декларацияларын сибидиэнньэтигэр олоҕуран ырытарга сананным.
СР Арбитражнай суута
Yakutsk.arbitr.ru сайтка киирэн сыллаҕы дохуоттарын көрдүм. Судьуйалар дохуоттарын сибидиэнньэтэ 2011-2014 сыллардааҕы эрэ баар. Онтон бэттэх сыллааҕыны тугу да булбатым. Дьиҥэр коронавирус дьаҥа туран 2019 сыллааҕы дохуоттарын, хамсаабат баайдарын-дуолларын декларациятын бу дьыл атырдьах ыйын 1 күнүгэр хойутатан тутуу буолта. Ону үрдүнэн биэрбэтэхтэр дуу, кистээбиттэр дуу. 2020 сыл бүтэрэ бу кэллэ. Хата ол оннугар атын үлэһиттэрин сибидиэнньэлэрэ 2011 сылтан 2019 сылга диэри барыта киирбит. Бүтэһик 2019 сыллааҕы сибидиэнньэни арыйан көрөбүн. Үөһээ этэн аһарбытым курдук, ырытыыга саамай үрдүк дохуоттаммыт үлэһиттэри киллэрэбин.
Попова Л.И. – суут председателин солбуйааччытын көмөлөһөөччүтэ. Сыллааҕы дохуота 5 мөл. 297 тыһ.солк., ыйдааҕытыгар таһаардахха 441 тыһ.солк. тэҥнэһэр. Кэргэннээҕин туһунан сибидиэнньэҕэ ыйыллыбатах. Сокуоннай сааһын туола илик биир оҕолоох. Чааһынай бас билиитин хамсаабат баайыгар-дуолугар Toyota Rush уонна Toyota Passo массыыналардаах, 1031 кв.м. уонна 1000 кв.м. иэннээх икки сир учаастактаах, 64,3 кв.м. иэннээх олорор дьиэлээх.
Стародубцева В.В. – судьуйа көмөлөһөөччүтэ. Сыллааҕы дохуота 2 мөл. 421 тыһ.солк., ыйдааҕытыгар түҥэттэххэ 201 тыһ.солк. тэҥнэһэр. Кэргэнин сыллааҕы дохуота 836 тыһ.солк., ыйдааҕыта 69 тыһ.солк.. Дьахтар чааһынай бас билиитигэр туга да суох. Кэргэнин аатыгар Lexus RX 300 массыына баара суруллубут, 35,2 кв.м. иэннээх квартиралаах (уопсай үллэһик ½). Кэргэнниилэр босхо туһаныыга 45,7 кв.м. иэннээх квартиралаахтар. Сокуоннай сааһын туола илик биир оҕолоохтор, кини босхо туһаныытыгар 46,5 кв.м. иэннээх квартиралааҕа ыйыллыбыт.
СР Үрдүкү суута
Сайттара: vs.jak.sudrf.ru. Судьуйалар дохуоттарын сибидиэнньэтэ 2014 эрэ сыллааҕы баар. Онтон бэттэх сыллардааҕы эмиэ ыйамматах. 2019 сыллааҕы гражданскай үлэһиттэр отчуоттарын арыйан көрөбүн.
Барыларыттан саамай үрдүк дохуоттаахтара Семенова Лилия Семеновна – начальнигы солбуйааччынан үлэлиир. Сыллааҕы дохуота 4 мөл. 991 тыһ.солк., ыйдааҕытыгар түҥэттэххэ 415 тыһ.солк. тэҥнэһэр. Кэргэн, оҕо туһунан сибидиэнньэҕэ ыйыллыбатах. Чааһынай бас билиитин хамсаабат баайыгар-дуолугар 37,8 кв.м., 40,5 кв.м. уонна 51,8 кв.м. иэннээх үс квартиралаах. Уопсай үллэһиккэ (1/2) 28,4 кв.м. иэннээх квартиралааҕын туһунан суруллубут.
СР Мировой суутун киин аппарата
Сайттара: mirsud.sakha.gov.ru. Республикаҕа 63 судьуйа баара биллэр. Улуустарынан, учаастактарынан ааттара-суоллара ыйыллыбыт эрээри, сыллааҕы дохуоттарын туһунан сибидиэнньэни көрдөөн баран ончу булбатым. Урукку сылларга баар буолар этэ да, тоҕо эрэ көстүбэтэ, кистээтилэр дуу…
Ол оннугар киин аппарат үлэһиттэрин сибидиэнньэтин буллум. Арыйан көрөбүн. Үс эрэ үлэһит баар эбит. Балартан үрдүк дохуоттаахтара начальник Трофимов Сергей Юрьевич. Сыллааҕы дохуота 3 мөл. 64 тыһ.солк., ыйдааҕытыгар хабаатыннардахха 255 тыһ.солк. тэҥнэһэр. Бэйэтин бас билиитигэр Тойота Лексус RX330 массыыналаах, 22,9 кв.м. иэннээх гаражтаах, босхо туһаныыга 22,9 кв.м. иэннээх сир учаастактаах. Кэргэнин сыллааҕы дохуота 1 мөл. 632 тыһ.солк., ыйдааҕыта 136 тыһ.солк. тэҥнэһэр. Кэргэнниилэр уопсай хамсаабат баайдарыгар-дуолларыгар 76,9 кв.м. иэннээх квартиралаахтар, 1680,0 кв.м. иэннээх сир учаастактаахтар, 225,0 кв.м. иэннээх даачалаахтар, 53,2 кв.м. иэннээх гаражтаахтар.
СР Конституционнай суута
Сайттара: ks.sakha.gov.ru
Ким Александр Николаевич – председатель. Сыллааҕы дохуота 5 мөл. 54 тыһ.солк., ыйдааҕыта 421 тыһ.солк.. Чааһынай бас билиитигэр 1502 кв.м., 1038 кв.м., 1068 кв.м., 2011 кв.м., 2000 кв.м. иэннээх биэс сир учаастактаах, 43,3 кв.м. иэннээх квартиралаах, босхо туһаныыга 1000 кв.м. иэннээх сир учаастактаах. Кэргэнин сыллааҕы дохуота 507 тыһ.солк., ыйдааҕыта 42,25 тыһ.солк. тэҥнэһэр. Чааһынайыгар KIA SOUL уонна TOYOTA RACTIS массыыналардаах, 1742,0 кв.м. иэннээх сир учаастактаах, 112,3 кв.м. иэннээх даачалаах, 292,5 кв.м. иэннээх помещениелаах. Кэргэнниилэр уопсай хамсаабат баайдарыгар-дуолларыгар 218,8 кв.м. иэннээх квартиралаахтар, босхо туһаныыга 24,0 кв.м. уонна 22,8 кв.м. иэннээх икки гаражтаахтар.
Бацев Юрий Николаевич – председатели солбуйааччы. Сыллааҕы дохуота 4 мөл. 349 тыһ.солк., ыйдааҕытыгар таһаардахха 362 тыһ.солк. тэҥнэһэр. Чааһынай бас билиитигэр 41,9 кв.м. иэннээх квартиралаах, Сузуки Эскудо массыыналаах. Кэргэнин сыллааҕы дохуота 1 мөл.солк., ыйдааҕыта 83 тыһ.солк. тэҥнэһэр. Кэргэнниилэр уопсай хамсаабат баайдарыгар-дуолларыгар 62,9 кв.м. уонна 63,2 кв.м. иэннээх икки квартиралаахтар, 26,2 кв.м. иэннээх гаражтаахтар, 1200 кв.м. уонна 27,0 кв.м. иэннээх икки сир учаастактаахтар, 36,0 кв.м. иэннээх даачалаахтар.
Кононов Гаврил Гаврилович – судьуйа. Сыллааҕы дохуота 3 мөл. 448 тыһ.солк., ыйдааҕытыгар хабаатыннардахха 287 тыһ.солк. тэҥнэһэр. Чааһынай бас билиитигэр туга да суох. Кэргэнин сыллааҕы дохуота 271 тыһ.солк., ыйдааҕыта 22 тыһ.солк. тэҥнэһэр. Чааһынай бас билиитигэр Тойота Ланд Крузер массыыналаах, 91,1 кв.м. иэннээх квартиралаах. Кэргэнниилэр уопсай хамсаабат баайдарыгар-дуолларыгар 55,9 кв.м. иэннээх квартиралаахтар, 265,2 кв.м. иэннээх олорор дьиэлээхтэр, 1233 кв.м. иэннээх сир учаастактаахтар.
Винокуров Егор Михайлович – судьуйа. Сыллааҕы дохуота 5 мөл. 914 тыһ.солк., ыйдааҕытыгар таһаардахха 492 тыһ.солк. тэҥнэһэр. Чааһынай бас билиитигэр Тойота Ланд Крузер 105 массыыналаах. Кэргэнин сыллааҕы дохуота 2 мөл. 716 тыһ.солк., ыйдааҕыта 226 тыһ.солк. тэҥнэһэр. Бас билиитигэр 800 кв.м. иэннээх сир учаастактаах, 36,0 кв.м. иэннээх даачалаах. Кэргэнниилэр уопсай хамсаабат баайдарыгар-дуолларыгар 98,0 кв.м. иэннээх квартиралаахтар, 34,4 кв.м. иэннээх олорор дьиэлээхтэр, 482,0 кв.м. уонна 1200 кв.м. иэннээх икки сир учаастактаахтар.
Николаев Игорь Иннокентьевич (дуоһунаһа ыйыллыбатах) сыллааҕы дохуота 6 мөл. 153 тыһ.солк., ыйдааҕытыгар таһаардахха 512 тыһ.солк. тэҥнэһэр. Чааһынай бас билиитигэр Тойота Ланд Крузер Прадо уонна Тойота Ланд Крузер 200 массыыналардаах, 24,9 кв.м. иэннээх гаражтаах. Кэргэнин сыллааҕы дохуота 233 тыһ.солк., ыйдааҕыта 19 тыһ.солк. тэҥнэһэр. Бэйэтин аатыгар 95,0 кв.м. иэннээх квартиралаах. Кэргэнниилэр уопсай хамсаабат баайдарыгар-дуолларыгар 769,0 кв.м. иэннээх сир учаастактаахтар, 48,6 кв.м. иэннээх даачалаахтар.
РФ Суутун приставтарын федеральнай сулууспатын
Саха сириннээҕи управлениета
Сайттара: r14.fssp.gov.ru
Никифоров А.А. – салайааччы-кылаабынай суут пристаба. Сыллааҕы дохуота 2 мөл. 981 тыһ.солк., ыйдааҕытыгар таһаардахха 248 тыһ.солк. тэҥнэһэр. Чааһынай бас билиитигэр 456 кв.м. иэннээх даача учаастактаах, 64 кв.м. иэннээх олорор дьиэлээх. Кэргэнин сыллааҕы дохуота 1 мөл. 815 тыһ.солк., ыйдааҕыта 151 тыһ.солк. Чааһынайыгар 600 кв.м. иэннээх даача учаастактаах. Кэргэнниилэр уопсай хамсаабат баайдарыгар-дуолларыгар 121,5 кв.м. иэннээх квартиралаахтар. Сокуоннай сааһын туола илик биир оҕолоохтор.
Григорьев Н.Н. – салайааччыны солбуйааччы-кылаабынай суут пристабын солбуйааччы. Сыллааҕы дохуота 2 мөл. 731 тыһ.солк., ыйдааҕытыгар хабаатыннардахха 227 тыһ.солк. тэҥнэһэр. Сибидиэнньэҕэ кэргэннээҕин туһунан ыйыллыбатах. Бас билиитин хамсаабат баайыгар-дуолугар 60,8 кв.м. уонна 59,0 кв.м. иэннээх икки квартиралаах, 28,8 кв.м. иэннээх даача дьиэлээх, 1200 кв.м. иэннээх даача сирэ учаастактаах.
Михаил ПЕТРОВ.
«Туймаада» хаһыат.
