«Якутуголь» хампаанньаны «Мечел» хампаанньаҕа урут 58 миллиардка атыылаабыттара. Онно Ил Түмэн депутаттара көҥүл биэрэн, куоластаан тураллар. Оччотооҕу «Якутуголь», билигин «Эльгауголь» 2025 сылга 800 миллиард солкуобайдаах таас чоҕу хостоото уонна Саха сиригэр соххор солкуобайдааҕы биэрбэтэ. Онтон биһиги бүтсүөппүт баара-суоҕа 350 миллиард. Бу аата хайдах-хайдаҕый?
Дьиҥэр РФ уонна СӨ сокуоннарынан сир баайа норуот көҥүлэ суох адьас кимиэхэ да атыыланыа, бэлэхтэниэ суохтаах. Билигин Саха сиригэр түөрт триллионтан тахса суумалаах сир баайа Москва тэрилтэтэ көҥүллээһининэн хостонор диэн буолла. Онтон РФ атын регионнара бэйэлэрэ көҥүллээһинэ суох соххор солкуобайы кимиэхэ да биэрбэттэр.
Сир баайын хостуур тэрилтэлэр атын сиргэ регистрациялаахтар, нолуоктарын онно төлүү олороллор. Улахан кэпсэтии, дуогабар түмүгэр ханнык эрэ кыра %-ны РФ бүтсүөтүгэр биэрэллэр. Саха Республикатыгар тугу да биэрбэттэр диэххэ сөп. Онон сир баайыгар үлэни адьас кытаанахтык хонтуруоллаан, көҥүл барбыт атыыһыттарга кытаанах миэрэ ылар наада. Госдума депутата Пётр Аммосов бу боппуруоһу куруук туруорар, биир оннук түгэни видеоҕа көрүҥ:
