Доллар61.26 Евро72.24
+8 °С

Үөрэтэн-такайан таһаарбыта

17:04 в 22.06.20181 71

Быйыл балаҕан ыйыгар улахан быыбардар буолаары тураллар. У.Черчиль "Демократия дерьмо, но человечество еще ничего лучшего не придумало" диэбитин курдук, быыбартан атын эйэлээхтик олохпутун уларытар, тупсарар суолбут суох. Манна эбии "норуот хайдаҕый да салайааччыта эмиэ оннук" диэн эмиэ бэргэн этии баар.

Салгыы бу курдук боростуой үлэ киһитигэр сыһыан салҕанан барар кыаҕа суох! Ону история чахчыларыттан билэбит.

"Сытый голодного не разумеет" диэн этии эмиэ сөптөөҕүн күн аайы көрөбүт. Салалтабыт үлэ киһитин, көлүүр оҕуһун курдук көлөһүннүүр эрэ толкуйдаах. Оннооҕор ил дарханныы олорбут Борисов хара үлэтиттэн аккаастаныар диэри тыа хаһаайыстыбатын курдук кыаттарбатах салааҕа «дьон сүрэҕэ суох буолан үлэлээбэттэр» диэн парламент иннигэр отчетугар эппитэ. Дьон салайар үлэҕэ сүрэхтээхтэр, онтон тыа хаһаайыстыбатыгар кэлэн сүрэҕэ суохтар. Өйдөммөт.

Киини кытары сыһыан эмиэ итиннэ хабааннаах. Бу үлүгэр улахан дойдуну барытын Кириэмил салайар ааттаах. Биир тоһоҕотугар тиийэ. Кини эрэ салайааччылары аныыр, билэр аатырар. Били мин ааттаах атаһым Афанасий Чириков этэригэр дылы. Салайааччы буолла да, бырааһы хайдах эмтииргэ, учууталы үөрэтэргэ, сварщигы хайдах сыбааркалыырга  барытын кинилэр үөрэтэ сатыыллар диэбитигэр дылы. Рынок диибит. Онтон рынокпыт сүрүн хамсатар күүһэ КӨҤҮЛ диэн буолуохтаах этэ дии. Холобура, киһи суоппар буоларга правалаах, массыыната исправнай буолла да бүтүөхтээх этэ, онтон манна туормастаа, итинник салай, маннык салай диэн дьаһамсыйа олорор буоллахпытына хайаан да аварияҕа түбэһэбит. Онон быраабыланан договорынан үлэлиэхтээхпит. Үрдүкү турар киһи хайаан да барытыгар олорсо сылдьыахтаах уонна куруутун кини эрэ кырдьыга тахсыахтаах диэн буолуо суохтаах. Федеративнай сыһыан эмиэ. Мэлдьи Кириэмил эрэ дьаһалын кэтэһэр, толорор охсуулаах буолуон сөп. Тоҕо эрэ Штыров наада диэн дакаастаан кылгас кэмҥэ республика бюджетын аҕыс төгүл улаатыннаран турар. М.Е.Николаев саҕана республика бюджета иэһэ суох, өссө өрө баран киин биэрэр иэстээх буолар этэ диэн суруйаллар.

Билигин кэлэн тоҕо республика банкрот турукка кэлэн хаалла? Сыл аайы кииҥҥэ биэрэр дохуоппут улаатан 800-900 млрд.  чугаһаата диэн отчуокка түөспүтүн тоҥсунабыт.

Тоҕо хайаан да Москва өйүүр эрэ киһитин талыахтаахпытый? Норуотун үгүс араҥата дьадайыы алын сүһүөх кээмэйигэр тиийбэт дохуоттаах олорон, орто хамнас 60 тыһ. солк. тахса буолла диэн бэйэбитин албыннанабытый?  Боппуруос үүнэр баттахпытынааҕар элбэх.  Онон бу проблемалары аһаҕастык, чиэһинэйдик этэр, туруорсар уонна кылаабынайа ону туоратар суолу-ииһи билэр киһини биһиги талыахтаахпыт дии саныыбын.  Ол иһин мин Эрнст Берёзкин ил дархан дуоһунаһыгар туруруорунабын диэбитин үөрэ уонна астына истибитим.

Эрнст Берёзкин эмиэ Айсен Николаев курдук отличник, кыһыл көмүс медалист, хас да предметнэй олимпиада кыайыылааҕа. Эрнст – 47 саастаах, Айсен – 46. Биир саастыылаахтар. Бэйэтин кэмигэр кимҥэ да киэҥник биллибэтэх баан управляющайын Айсен Николаевы Эрнст Берёзкин бэйэтин оннугар республика үбүн миниистиринэн үөрэтэн-такайан таһаарбыта. Киэһээ үлэ чааһын кэнниттэн Эрнст Берёзкин оччотооҕу баан управляющайын Айсен Николаевы кабинетыгар ыҥыран, "кыайыам суоҕа" эҥин диэн мунаахсыйар киһини элбэхтик кэпсэтэн, санаатын көтөҕөн үп миниистирэ буоларыгар көмөлөспүтэ. Ити Берёзкин уурбут үктэлэ Айсен Николаев карьератыгар төһүү буолбута саарбаҕа суох.

Ити кэмнэргэ уонна Ил Түмэн депутатынан үлэлии сылдьан Эрнст Берёзкин республикатын туһугар хайа баҕарар таһымнаах мунньахтарга сытыы боппуруоһу туруорара диэн бииргэ үлэлээбит дьоно ахталлар. Олус үрдүк билиилээх буолан боппуруоһу туруорарыгар утарсааччытын үүтүн-аанын барытын күөйэ-хаайа этэрин астына кэпсииллэр. Эрнст Берёзкин курдук толлубакка киинтэн кэлбит үрдүкү салалта представителлэригэр ким да тэҥҥэ анньыһан, үксүгэр сабырыйан боппуруоһу туруорбата уонна көмүскээбэтэ үһү. Ол да иһин баһыйтараллара бэрт буолан В.А.Штыров, Е.А.Борисов кинини туората сатыыллара диэн Эрнст Борисович бииргэ үлэлээбит дьоно бэлиэтииллэр.

Берёзкин Э.Б. бүгүн эрэ кэлбит киһи буолбатах, кини 2014 сылтан республика үрдүкү дуоһунаһыгар туруорунар. Эрдэ эппитим курдук кини саамай кылаабынайа тугу оҥоруохтааҕын олох чуолкайдык билэр уонна хайа баҕарар таһымҥа туруулаһан көмүскүүр кыахтаах, ону үлэтинэн да дакаастаабыт киһи. Ол курдук үп миниистиринэн олорон Россия үрдүнэн саамай үчүгэй үлэлээх министерство аатын ылан, 300 мөл. солк. Грант ылан турар. Итинник холобурдары киһи элбэҕи аҕалыан сөп. Мин билэр киһим Эрнст Берёзкини билии-көрүү уонна көннөрү киһи, салайааччы быһыытынан билигин ити ил дархаҥҥа кандидатынан ааттыыр дьонноруттан хас да мутук олох үрдүк киһи. Ону дьэ баһыйтараллара бэрт буолан тэпсэн эрэллэр, абаккалаах баҕайы диэбитэ өйбөр дириҥник олорон хаалбыт. Ааранан мин буруйдаах курдук сананыахпар диэри.

 

Арамаан БАРАШКОВ,

“Сомоҕо күүс

УоТ чилиэнэ.

Комментарии(1)

Аватар пользователя Гость
Саха уола 27.06.2018, 00:15

Талылла илигиттэн даххаьыйбыт Айсеннаа5ар Эрнспыт быдан ордук курдук кестер, ацаардас тас керуцунэн да5аны. Былаас кыба5алара уолбутун ессе быыбарга отой да киллэбэт туьугар иэнигийэн туран улэлиир былааннаахтар. Маны ааьарга, эрдэттэн бэлэмнэнэн, быыбар хамыьыйатын, суут-сокуон улэьиттэрин кытары улэ ыыта туруохха, мэьэйдэьэр тугэннэригэр атыыр айдааны тардан, быыбары да ыьарга бэлэм буолуохха.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
1 + 4 =
Solve this simple math problem and enter the result. E.g. for 1+3, enter 4.