Доллар64.49 Евро71.84
+7 °С

Уон ситиһии туһунан. Дьиҥнээх дуу, сымыйа дуу?

09:04 в 24.02.20190 438

“АиФ” хаһыат 2019 сылга киирэн баран бастакы таһаарыытыгар ааспыт сыл уон ситиһиилэрин суруйбуттар.

1. Резко вырос золотой запас до 2102 т.

Буолумуна. Дэлэҕэ Ан-2 самолёт хайа барыар диэри тиэйиэхтэрэ дуо? Дьоппуоннар элбэх көмүстээх хараабылы хостообуттарын (Колчак көмүһүн?) ахтан аһарбыттара, ону норуокка ким сырдатыай – Горбачёв гласноһа, толерантноһа аны сааттаах быһыынан билиниллэр кэмигэр?

2. Бюджет стал профицитным на 2,5 трлн. руб.

Дьэ оннук буолбучча баҕар 300 млрд солкуобайдаах норуот ЖКХ-ҕа иэһин көҕүрэтээйэллэр?

3. Долги резко сократились до минимума – до 467 млрд. рб., что составит 20% от её ВВП, а США – 20 трлн. $, что составляет 98% ВВП.

Ол эрээри, мин санаабар, США гибриднэй сэриигэ сылаас муоралаах улуу морской держава буоларынан уһулуччу балаһыанньалаах. “Холоднай сэриинэн” ССРС империятын эспитин, уоттаах, дьиҥнээх сэриигэ анаан 125 государстволарга 480 военнай базалааҕын санаатахха, военнай промышленноска, аныгы модернизированнай сэбилэниигэ биһигиннээҕэр 10 төгүл элбэх үбү кутарын эмиэ умнар табыллыбат. Киһитин ахсаана, нэһилиэнньэтэ 330 мөл. үһү.

4. Повысились позиции в рейтингах.

“Развивающиеся” дэнэр 20 дойдуга РФ 2-с миэстэлэспит, Малайзия диэн дойду баар үһү, ол кэнниттэн. ВВП диэҥҥэ биһиэнэ бары улахан Европа дойдуларыттан, эгэ США, КНР дойдуларын этэ да барыллыбат, Канада кэнниттэн миэстэлэһэбит. 5 улахан дойду иһигэр киирэр баҕа санаабыт ким да көрүүтүгэр туолбат ыра санаа, популизм курдук сыаналанар.

5. Ипотека подешевела. Она в 2017 г. – 9,80%, в 2018 г. – 9,52%. В 2018 г. по ипотеке выдано 1,31 млн кредитов на сумму 2,67 трлн. рб.

Ити тымныы климаттаах РФ-га, ордук Саха сиригэр тыын суолталаах. Ол эрээри кредит хабалатын бырыһыана син-биир үрдүк.

6. 1-е место в мире по нефти.

Минэнерго дааннайынан 2018 с. сиртэн 551 мөл. т нефть хостоммут. Ол да үрдүнэн бензин сыаната олус үрдүүрэ норуот эстэ дьадайыытыгар тиэрдиэх курдук. 2018 с. түмүгүнэн 4 трлн солк. “Фонд развития” диэҥҥэ бүкпүт, ол норуокка туһалыа дуо? Урут ССРС норуотугар “коммунизм сырдык, байылыат олоҕо субу тирээн кэлэн эрэр!” диирэ. Аныгы былаас “кургутун ыга тардыныҥ, 20-30 сылынан экономика көнүө, ырай олоҕо кэлиэ” диэн эрэнэрэр. С.Иванов-старшай: “Военная промышленность наберёт жиру, и экономика встанет на ноги, придёт долгожданное сытое, светлое завтра!” – диир. Ону кэтэһэбит.

7. Пробит рекорд по продаже газа – 723 млрд. кв.м, что экспортируется в Европу, которая на стороне США давит санкциями Россию.

Ньиэптэн-гаастан киирбит харчы улахан аҥаара олигархтар хармааннарыгар сөҥөр.

8. Лидерство по экспорту пшеницы, хотя 2018 г. выдался неблагоприятным. Из 45 регионов по выращиванию зерна только 7 регионов имеют хорошие урожаи, поэтому пшеницу закупали Египет, Турция, Бангладеш, Саудовская Аравия. “Хлеб всему голова”, от его производства всецело зависит жизнь не только людей, но и в 1-ю очередь птицеводство, животноводство, вся сельскохозяйственная отрасль в целом. Вот почему яйца подорожали на 26%, и сахар.

Оттон Саха сирэ бурдугу атыытыгар ылар буолан Хатас свинокомплекса, птицефабрикалар ночооттоохторун үрдүнэн өссө отой да сабыллар кутталлаахтар. Нэһилиэнньэ олоҕо өссө ыарыыр чинчилээх. Тыа хаһаайыстыбатын атаҕар туруон нолуок олус үрдүгэ атахтыыр. ЖКХ тариба, естественнай монополиялар сыаналара үрдээһинэ, НДС нолуога 20%-ҥа тиийэ үрдээһинэ, коррупция, теневой экономика, оффшорга “кирдээх харчы” хорҕойуута, недвижимоска сиртэн нолуок үрдээһинэ, олигархтартан прогрессивнай нолуоктааһын суоҕа – бу барыта холбоһон “низы не могут, верхи не хотят жить по старому” диэҥҥэ тиэртэ. “Бунт бессмысленный, беспощадный в России” буолбатар, “гибриднэй сэрии” уоттаахха эрэ тиэрдибэтэр ханнык диэн санааҕа кэлэҕин.

9. Взлетел экспорт мяса до 60%.

Совхозтары туругурдар санаа – ол баҕа эрэ санаа. Тыаҕа кэтэх хаһаайыстыба эһиннэр эрэ куоракка мустубут дьон муҥнара-сордоро улаатар.

10. Рванул иностранный туризм, достиг рекордного показателя – вырос на 70%.

Биһиэхэ ити көрүҥ атаҕар турарыгар олус улахан үп наадата биллэр. Веллер этэринэн, урут кырдьаҕас көлүөнэ 58%, аны эдэр да өттө 66% ССРС үрэллибитин суохтуура олох ыарыырыттан өссө үрдүүр тенденциялаах үһү. Суверенитеппытын сүтэриибит ыар содулланна.

Семён ИВАНОВ, пенсионер.

Ньурба.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
5 + 3 =
Solve this simple math problem and enter the result. E.g. for 1+3, enter 4.