Доллар58.9 Евро69.43
-35 °С

Туруорсуу сурук

16:01 в 23.03.20171 18

Саха Өрөспүүбүлүкэтин бырабыыталыстыбатын бэрэссэдээтэлигэр Евгений Алексеевич Чекиҥҥэ Боотулуу нэһилиэгин олохтооҕуттан, пенсионер, педагогическай үлэ бэтэрээнэ, Боотулуу нэһилиэгин бочуоттаах олохтооҕо, РФ Суруналыыстарын сойууһун чилиэнэ, СР физическэй культуратын уонна спортка бэтэрээнэ, 1942 сыллааҕы төрүөх сэрии сылын оҕото, сэрии тулаайаҕа Алексей Алексеевич Николаевтан.

«Саха сирэ» хаһыакка 2016 сыл кулун тутар 18 күнүгэр «Сэрии тулаайахтарыгар кыһамньы күүһүрэр» диэн Роман Попов ыстатыйата тахсыбыта. Онно ый аайы 886 солкуобайы ылар, сыллата диспансеризацияны босхо барар инбэлииттэри, аҕам саастаахтары хааччыйар социальнай тэрилтэлэр өҥөлөрүнэн уочарата суох туһанар, үс сылга биирдэ Саха Өрөспүүбүлүкэтигэр санаторийга, курортка эмтэнэр путёвка сыанатын 50% төлөттөрөр, эбэтэр өрөспүүбүлүкэ иһигэр санаторийга, курортка эмтэнэр путёвканы 50% чэпчэтиилээх туһанар бырааптаналлар. Анал дастабырыанньа бэриллиэ дэммитэ. Ити билигин хайата да суох.

Бу сокуон 886 солкуобайы бэриллибит гына оҥоһуллубут: өскөтө эн үлэ бэтэрээнэ уонна атын социальнай өҥөнөн туһанар буоллаххына. Дьэ, киһи сөҕөр өйдөммөт сокуонтан.  «Биһиги аҕабыт сэриигэ өлбүтүгэр үйэлээх сааспытыгар үлэлээн ылбыт социальнай көмөбүт туох сыһыаннааҕый?» диэн ыйытык үөскүүр. Ол кэриэтин ити социальнай көмө сэрии тулаайахтарыгар эрэ ананар диэх этилэр буоллаҕа. Онон биһиги сааһыран, кырдьан олорор көлүөнэ күөмчүлэнэн, арыыланан, тумнууга хаалан, сахалыы эттэххэ «ыт үрбэт, ынах маҥыраабат» дьоно буолан олорорбут сымыйа буолбатах. Оннооҕор Германия судаарыстыбата сэриилэспит саллааттарыгар усулуобуйаны тэрийэр, биэнсийэлэрэ биһиги харчыбытыгар таһаардахха 50 тыһ.солк. эбит. Россияҕа 20-чэ регион ити сокуону ылыммыттар. Казахстан президенэ Н.Назарбаев үтүөкэннээх сокуону ылынан олоххо киллэрбитин билэ-көрө олороҕут.

Биһиги духовнай сайдыылаах дойду эбиппит  буоллар, урут сэрии сылларын оҕолоро, сэрии тулаайахтара пенсиябытыгар эбии социальнай көмөлтөҕө хааччыллан олоруо этибит. Биһиги өлөн бүтэрбитин кэтэһэллэрэ кыбыстыылаах, хомолтолоох даҕаны. Онон биһиги туспутугар бырабыыталыстыба, Ил Түмэн кыһалларын ирдиибит. «Атын ыал аһаабытыгар киһи топпот» диэн сахаҕа бэргэн этии баарын өйдүүр наада.

 

Алексей НИКОЛАЕВ.

Боотулуу.

Комментарии(1)

Аватар пользователя Гость
HaroTobamimi 22.09.2017, 13:08

Cialis Generique Tadalafil 30 Pilules http://cialtobuy.com - cialis online Generic Viagra Shipped To P O Box
Buy Oxetine Keflex Milk Food Nausea Symptoms
Tadalafil 20 Mg Softgel <a href="http://cialtobuy.com" rel="nofollow">cialis</a> Order Prevacid

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
12 + 5 =
Solve this simple math problem and enter the result. E.g. for 1+3, enter 4.