Доллар61.26 Евро72.24
+8 °С

Санаа хараастар…

10:28 в 31.07.20180 18

Улуу нуучча норуота сир планетаҕа германскай раса баһылыахтаах диэн Гитлер төһөлөөх элбэх норуоту хаанынан сууннарбытын, сорго-муҥҥа, харах уутугар, эрэйгэ тэппитин, аныгы омуктар баһылыктара умнан, хаттаан колониялары, сирдэрин баайдарын былдьыыр, хабалаҕа умса анньар сыаллаах, неоколониализм суолун талбыттара улахан кутталы аҕалла. Ванга пророк Л.И.Брежневы иккитэ приёмнаан баран, үһүс кэлиитигэр үүрбүтэ куһаҕаны түүйэр.

«Өҥнөөх революция» аан дойдуга көҥүл, босхолонуу, сырдык олох иһин дьулууру, саҥа эпоха халбаҥнаабат көрдөбүлүн курдук. 21-с үйэ чулуу филособа, сахаттан биир бастыҥ норуот бас-көс киһибит Г.Романов историяны кырдьыктаахтык сырдатар эр санаалаах киһи. Кини «Шовинизм есть царизм внутри социализма» диэн ыстатыйатыгар «уот харахха», аргументированно сиһилии, ылыннарыылаахтык быһаарар. Эгэ ССРС саҕана, көҥүл баҕа өттүнэн холбоспут 16 союзнай республикаларыгар «улахан убай» кыраларын сирин-уотун, баайын «ыраахтааҕылыы» баттаан олортун, киһи оччотооҕу пропаганда күүстээҕэр итэҕэйэр, ылынар эбит. Эгэ билигин 70-ча сыл баһылаан ыстыык, тааҥка күүһүнэн тутуллан олорбут былаас эстэн, былааска коррупционер олигархтар баалларын билэн кэллэхпит. Туох да бас билэрэ суох, бырааба хааччахтаммыт «бэйэни салайыыны былаастарыгар» эппиэтинэһи ирдээбэттэрин, үрдүк хамнастарын, пенсияларын сиэри киһи барыта талаһар. Олоҕу тупсарарга сорунуулаах хамсааһыны, сайдыыны киллэрбиттэрин, оҥорбуттарын киһи микроскобунан таба көрөрө дуу, суоҕа дуу. Республика 53 млрд.солк. иэскэ батылынна, онон финансовай өттүн Москва бэйэтин көрүүтүгэр ылар үһү. 83 регионтан иэскэ киирбэтэх бэрт аҕыйах региону ааттаатылар.

В.Путин былааска кэлиэҕиттэн Россияны таптаабытынан салайда. Хас сырыы аайы быйаҥ, көҥүл олоҕу аҕалар баҕа санаатын, тас дойдулар олоххо киллэттэрбэттэр аатырар. Аан дойдуга ССРС социализмы аҕалар куттала суоһуур дэнэрэ, аны атылыы капитализмҥа киирэн да, изоляцияттан, санкцияттан, аан дойду торговай союһугар (хабалаҕа киирэн туран) киирэн босхолонор чинчибит суох. Үлүгэрдээх киэҥ сирдээх, сирин аннынааҕы баайдаах эрээри норуот 20% быстар дьадаҥытык олорорун билинэллэр эрээри, коррупцияны бохсор күттүөннээх дьаһаллар ылыллыбаттар. Сир баайын Чёрнай, Балтийскай муора түгэҕинэн, АТР-га, КНР-га о.д.а. дойдуларга суккуйабыт, онон бэйэбитигэр бензин сыаната 24% үрдээн, урут 100 с. 43,5 л атыылаһар этибит, аны 100 с. 2 л. ылабыт.

Саха сирин омук күүстээх техникатынан сыллата уонунан миллион тоннаны тиэрэ тарданнар, 1000 араас геологтар, чёрнай копателлэр, бэйэбит дьадаҥы былааспыт кыаҕа кыратынан сыллата ойуурбут уокка былдьанан, ирбэт тоҥ ирэн, тайҕа баранан, туох да сылдьыбат «өлбүт сирдэр», дүөдэлэр үөскээннэр дьылҕабыт кэрэгэй… Онон бары кыра омуктар сирэ-уота суох кумалааннарга кубулуйдубут… Санаа хараастар, сүрэх хаанынан ытыыр...

 

Семён ИВАНОВ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
1 + 3 =
Solve this simple math problem and enter the result. E.g. for 1+3, enter 4.