Доллар58.9 Евро69.43
-37 °С

Ньылаҥнаһыы буолбатах!

09:12 в 24.03.20171 21

“Аҕа баһылык” диэн сахаҕа баар, киэҥник туттуллар тыл да, өйдөбүл да буолар. “Туймаада” олунньу 23 күнүгэр тахсыбыт суруйуу автора Сиэрдээх Саха “аҕа баһылык” диэн термини туттуу бу “ньылаҥнааһын” диэбит. Отой сыыһа! Ис хоһоонун, тыл суолтатын өйдөөбөт эбит.

Сахаларга аҕа саастаах, өйдөөх-төйдөөх киһини “аҕа” диэччилэр. Холобура, “эн, аҕа киһи, бу дьону көрө-истэ, дьаһайа сырыт” диэччилэр, диэхтэрин сөп. “Аҕа киһиттэн холобур ыл, тылын истэ сырыт” диэхтэрин эмиэ сөп.

“Отечество” диэн тылы “Аҕа дойду” диэн тылбаастыыллар. “Великая Отечественная война” сахалыы “Аҕа дойдуну көмүскүүр Улуу сэрии” диэн тылбаастанар, туттуллар. “Аҕа” диэн тылтан “аҕамсыйбыт” диэн тыл үөскүүр. Билиҥҥи өйдөбүлүнэн “сааһырбыт, улахан опыттаах, муударай” киһи диэн өйдүөххэ,  ылыныахха сөп. Онон республикабыт салайааччытын “Аҕа баһылык” диирбит туох да ньылаҥнааһыны үөскэппэт.

Дөксө төгүл хатылыыбыт, ситим (система) үөскүө этэ: “нэһилиэк баһылыга”, “улуус баһылыга”, “республика баһылыга”, “дойду баһылыга”, “государство баһылыга”. “Республикабыт баһылыга” диэн термиҥҥэ “аҕа” диэн тылы эбэн биэриэххэ сөп. Бу термин “аҕа баһылык” омук муҥутуур салайааччыта диэн эмиэ өйдөнүөн, туттуллуон сөп. Республика салайааччытын эппиэтинэһин дөксө үрдэтэр, үрдэтиэхтээх дии саныыбын. Биир тыллаах омуктарбыт, атын да омуктар тута өйдүө этилэр.

 

Кырдьыксыт САХА.

Комментарии(1)

Аватар пользователя Гость
HaroTobamimi 04.10.2017, 18:14

Diarrhea Amoxicillin 500 Mg Provera 2.5mg Dysmenorrhea From Canada <a href="http://cheapvia25mg.com" rel="nofollow">generic viagra</a> Warfarin Kamagra Oral Jelly Uk Next Day

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
12 + 4 =
Solve this simple math problem and enter the result. E.g. for 1+3, enter 4.