Доллар65.6 Евро72.62
+12 °С

Гектар сокуонун айдаана

12:19 в 23.03.20170 20

Тымныы тыйыс айылҕалаах, хаһаайыстыба да тэринэн киһи соччо тэнийбэт Сахатын сиригэр тоҕо, туох сыалтан атын регионнартан, граница таһыттан дьону киллэрэн олохсута сатыылларый?

Бу киириэхтээх дьонтон сорохторо криминальнай, саарбах биографиялаах, олоххо табыллыбатах дьон буолаллара сэрэйиллэр. Холобур, үчүгэй олохтоох дьон олорбут, төрөөбүт сирдэриттэн көһөн айманаллара саарбах. Бу дьон туох сыалтан Саха сиригэр киирэллэрий?

 Кинилэр өйдөбүллэригэр Саха сирэ туохха да тэҥнэммэт баһаам ыһылла сытар сир баайдаах, ол баайтан уоран, улаханнык үлэлээн эрэйдэммэккэ байар сыаллаах киирэллэр.
 Государственнай Дума кинилэр тустарыгар сөптөөх үчүгэй сокуону таһаарарыгар эрэнэллэр.
 Саха сиригэр ол хаһан эрэ табыллыбатах олохторун көннөрөн, өрүү букатыннаахтык олорор сир оҥосторго дьулуһуохтара.

Уонунан сыллар усталарыгар, бу үйэ бүтүүтэ Саха сиригэр хас эмэ мөлүйүөн киһи киирэн олохсуйара саарбаҕа суох. Өскөтө олох бу сокуон хайысхатынан бардаҕына, төрүт омуктар деградацияҕа барарбыт бириэмэ ирдэбилэ буолар. Ол аата төрүт дьарыкпыт, итэҕэлбит, тылбыт сыыйа суураллан симэлийэр турукка киириэхтэрэ. Маннык инники өттүгэр буолуохтаах хайысханы этэн туран, Россия киин салалтата Саха сирин бутэһиктээхтик баһылыыр кыахтаныаҕа. Антропогеннай (киһи дьайыыта) уонна техническэй дьайыы түмүктэригэр айылҕабыт бүтэһиктээхтик алдьанан өлөр кирбиигэ киириэ. Атыннык эттэххэ, Сир диэн планета бу чааһыгар (Саха сиригэр) айылҕабыт бүтэһиктээхтик өлүүтэ Аан дойду норуоттарын уопсай сүтүктэрэ буолуоҕа.

Гектар туһунан сокуон Саха сирин төрүт омуктарын утары туһуламмыт сокуон буоларынан, бу сокуон олунньу ыйтан киириэхтээх үһүс түһүмэҕин сорунуулаахтык утарыаҕыҥ. Утарар ньымаларбыт ханныктарый?

 Бу сокуоҥҥа норуот санаатын билэр инниттэн референдуму хаттаан сөргүтүөххэ.
 Референдум араас биричиинэлэринэн кыаллыбат түбэлтэтигэр республика салалтатыттан саҕалаан дойду президенигэр тиийэ бырачыастыыр суруктары биирдиилээн, коллективынан санаабытын биллэриэҕиҥ.
 Саха сирин партияларын баһылыктара ил дархан, бырабыыталыстыба, парламент депутаттара хайдыһыыны тохтотон, биирдиилээн өйдөспөт буолууттан туттунан Ийэ сирбит, төрөөбүт айылҕабыт, ыччаттарбыт инники кэскиллэрин туһугар өйдөһөн-өйөһөн биир тылы булан, норуоккутун атаҕар туруоран «Гектар сокуонун» үһүс түһүмэҕин Саха сиригэр киллэрбэт туһугар бары турунуоххут диэн эрэнэбин.

 

Пётр ГУЛЯЕВ.

Нам улууһа,

Түбэ нэһилиэгэ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
5 + 1 =
Solve this simple math problem and enter the result. E.g. for 1+3, enter 4.