Доллар58.9 Евро69.43
-37 °С

Быыбардыыбыт дуу?

10:51 в 24.03.20173 52

Бу кэлин улуус уонна нэһилиэк баһылыктарын быыбардааһыҥҥа уларытыыны киллэрэр туһунан Ил Түмэн саамай сөптөөх хайысханы ылынан эрэр. Онно сигэнэн мин республикаҕа  саамай уһуннук нэһилиэк баһылыгынан үлэлээбит опыппар олоҕуран чопчу этиилэрдээхпин.

1. Саха сиригэр улуустар баһылыктарын олохтоох сирдэригэр талыллыбыт улуус мунньаҕын депутаттарын сессиятынан бигэргэтэр ордук. Улуус олохтоохторо бэйэлэрэ сөбүлээн талбыт улуустарын депутаттара оччоҕуна быыбардааччыларын иннигэр эппиэтинэстэрэ лаппа үрдүө этэ.

2. Нэһилиэк баһылыктарын бэйэлэрин баҕаларынан туруоруммут уонна талыллыбыт сирдэригэр кэлиҥҥи кэмҥэ олус үүнэ-тэһиинэ суох барбыттарынан улуус баһылыга аныыр дьонун үлэлэтэр ордуга көстөн эрэр.

Билигин нэһилиэктэргэ быыбардаммыт баһылыктар талбыттарынан дьаһаналлара, ханна баҕарбыт сирдэригэр командировка сурунан күүлэй тэбэллэрэ көҥүл буолла. Уруунан-аймаҕынан уонна билсиинэн талыллыбыт буоланнар олус өҥнөнөн, улуус салалтатын иннигэр букатын да эппиэтинэһи сүкпэттэрин билэннэр ордук бардамсыйдылар.

Ханнык баҕарар салайааччы үөһэ турар салайааччы иннигэр эппиэтинэстээҕин өйдүүрэ олоххо ордук хамсатыылааҕын билэр кэммит кэллэ. Ол туһуттан сокуон хараҕар бас бэринэллэрин билэр буоланнар уголовнай дьыаланы оҥордохторуна эппиэттиэхтэрин билэннэр эрэ, ону да Прокуратура хонтуруола күүһүрбүтүнэн, тардынааччы арыый элбээтэ. Оттон улуус баһылыгын билинэллэрэ-билиммэттэрэ бэйэлэрин киһилии сиэрдэриттэн тутулуктаах буолла.

Онон көҥүл талбытынан сылдьалларын сүтэриэн баҕарбатах баһылыктар мин этиибин сөбүлүүллэрэ саарбаҕын биллэрбин даҕаны, Ил Дархан уонна Ил Түмэн мин этиибин өйүөхтэрэ диэн эрэнэбин.

 

Иннокентий ГЕРАСИМОВ,

СӨ норуотун хаһаайыстыбатын үтүөлээх үлэһитэ, бэйэни салайыныы ветерана.

 

Комментарии(3)

Аватар пользователя Гость
Борокуоппай 25.03.2017, 08:04

быыбар баар буолуохтаах!

Аватар пользователя Гость
Гражданин 27.03.2017, 11:59

Быыбары суох оноруу - бу таннары барыы буолар.

Аватар пользователя Гость
Роман 27.03.2017, 19:55

Биир өттүнэн нэһилиэккэ аныахха да баара, алыс хайдыһаллар. Аймах оннук маннык диэн. Дьаабы.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
5 + 9 =
Solve this simple math problem and enter the result. E.g. for 1+3, enter 4.