Доллар58.9 Евро69.43
-35 °С

«Аҕа баhылык» диир сөбө суох

16:11 в 23.03.20170 43

Россия субъектарын президеннэрин баhылыктар диэн тылынан солбуйар туhунан этиини бастаан Чечня республикатын президенэ Рамзан Кадыров көтөхпүтэ. Ол бука сэрэйдэххэ Россия президенигэр В.Путиҥҥа бэрт буола сатааhын буолуо. Онтон биhиги республикабытыгар өмүрэх эмээхсиннии биир бастакынан президени баhылыгынан эбэтэр ил дарханынан уларыта охсон кэбиспиттэрэ. Татарстан уларыппатаҕа, арай биhиги истигэммит дьэ сүрдээх эбит.

Аны билигин аhара баран республика баhылыгын «Аҕа баhылыкпыт» дииллэрин син биир тохтоппоттор. Маны элбэхтэ телевидениеҕэ, радиоҕа истэҕин, хаhыаттартан ааҕаҕын. Соторутааҕыта «Туймаадаҕа»  бэйэтин кырдьыксыт саха дэнэр киhи «Аҕа баhылык» диирбит сөп диэн суруйуута таҕыста. Ону, мин «Аҕа баhылык» диирбит сөбө суох, сыыhа, табыллыбат уонна эйигин кырдьыксыта суох саха эбиккин диирбэр тиийэбин. Тус бэйэм

«Аҕа баhылыкпыт» диир дьону ил дархаҥҥа ньылаҥнааччылар, илин-кэлин түhээччилэр диэн саныыбын. Бу мантан киhи кэлэйэр эрэ. «Аҕа баhылыкпыт» диир государственнай дуоhунаска сылдьар дьону ааттыыр хайдах да табыллыбат, сатаммат! Дьиҥэр «Аҕа баhылыкпыт» диэн биhиги дьиэ кэргэммит таhымыгар муударай сүбэhит, ытыктыыр чугас аҕа дьоммутун: аҕабытын, эhээбитин уо.д.а. ааттыахпытын сөп. Баҕар олус үчүгэйдик норуотун туhугар сыламтата суох үлэлиир, ис сүрэҕиттэн кыhаллар, чиэhинэй, ытыктанар баhылыгы «биhиги кинини аҕа баhылыкпыт кэриэтэ саныыбыт, махтанан онтон атыннык ааттаабаппыт» диэн этиэххэ сөп буолуо.

Саха сирин Конституциятыгар урут президент дуоhунаhа баар эрдэҕинэ чуолкайдык сурулла сылдьара: «Саха Республикатын президенэ Саха Республикатын баhылыгынан» буолар диэн. «Аҕа баhылыгынан» буолар диэн тыл ханна да суох.

1992 сыллааҕы Саха сирин Конституциятын оҥорууга комиссия чилиэнэ буолбут У.А.Винокурова ыйытыыларга эппиэттэрин Ил Түмэн хаhыат олунньу 3 к. 2017 с. 4 №-гэр ааҕаргытыгар сүбэлиибин.

 

Сиэрдээх САХА.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
1 + 2 =
Solve this simple math problem and enter the result. E.g. for 1+3, enter 4.