Биһиги суут дьиэтигэр Саасканы көрөрүн көрдүбүт. Отой чугаһаппаттар. Дьахталлар эрэ буолан сылдьыбыппыт. Илии тутуһан, куустуһан ылыахпытын баҕарбыппыт. Ыттар курдук күөйэ сылдьаллар. Тиэритэ анньыталыыллар. Тула өттүттэн күөйэ сылдьаллар.
Мин телефоммут иитэ уурбутум, төннөн киирэн ылаары гыммытым арай суох. Бэйэҥ ылбытыҥ буолуо дииллэр, кыргыттарыҥ ылбыттара буолуо дииллэр. Ону видеоны көрүөх диири көрдөрбөттөр. Онтон арай биир кыыспыт суумкатыгар киирэн хаалбыт. Суумкалар бары иһирдьэ хаалбыттара. Миэнэ пароллаах, ол иһин сатаан ылбатылар дуу. Бу суут дьиэтигэр. Сааска деревяшката сүтэн хаалбыта. Протокол оҥоһуллубатах, онон ханна да суох. Полицейскайдар кэлэн барбыттарын кэннэ сүтэн хаалбыт. Дьэ дьикти былаас диэ. Норуокка барыта бобуулаах…
Адвокаттарга махтал. Кинилэр туруорсан иннинэн таһааттарбыттар буолуохтаах. Ол эрээри киһилии саатар 1 мүн. чугас турбуппут буоллар… Кыһыыбытын хаһыытаан эрэ таһаардыбыт. Сыыһа гыннылар, биһиги суумкабыт да, телефоммут да суох этэ. Сылаастык илии тутуһар, чугас өйүүр киһибитигэр өйүүрбүтүн, баарбытын көрдөрөр бу куһаҕаны оҥоруу буолбатах. …Ити полицейскайдар отой бүтэй, киһилии сыһыан диэни өйдөөбөт, маныыр ыт курдук эппиттэрин эрэ толорор буолбуттар. Сотору бары итинник буолуохпут. Биһиэхэ көҥүл диэн суох! 4-с чыыһылаҕа эмиэ кистээн аҕалыахтара. Барытын уоран оҥороллор. “Психологически дави” гыналлар. Көрсүһүүнү боппуттара. Аны эмискэ элбэх киһилээх палаатаҕа көһөрөллөр, маныыллар үһү. Бу суутун иннинэ сынньаныахтаах киһини. Элбэх айдааннаах палаатаҕа…
Ыар тыыннаах айанньыт
Айанньыт Сааска,
Туоҕу оҥордо былааска?
Олорор дьоҥҥо «сылааска»
Устар дьоһун сааска.
Хаайбыттара ойууну,
Оҥорбуттара ыар аньыыны.
Ким суруйда ол ойууну?
Толордо ыар тыыны.
Өлүөрү да өлөрүөх,
Үтүөнү да өһөрүөх.
Дьон түктэри төрүөх.
Өйдөөҕү ааргы оҥорбут,
Күрүөмүл ыйааҕа.
Ол этиитин толорбут,
Түбэһиэ ииппит айаҕа.
Кэлиэҕэ ойуун суора,
Өс саас ситиһэ.
Ситиспит маһын суора!
Туох барыта иэстэбиллээх,
Аньыыны оҥорбут хоруйдуо,
Ол норуот кэтэбиллээх,
Охсуо ханна эрэ ойдуо.
Ханна эрэ дүҥүр тыаһыыр,
Тиһэх олбоҕор олорор.
Тустаах тыына кыарыыр,
Дьон баҕатын толорор,
Кими эрэ кырыыр.
Олорбуппут сыччах,
Эҥсиллэн аастар ханнык,
Билигин барыта хаарчах.
Олохпут диэн маннык.
Ородьумаан.
