Доллар61.26 Евро72.24
+18 °С

Сайдан иһиэххэ наада

10:35 в 11.04.20180 15

Саастаахтар билиҥҥи ыччаттартан күлэҕит эрэ – уруккунан олоро сатыыгыт дуу, хайдах дуу? Хайа муҥун төбөҕүт иһигэр оннук программаланан баран сылдьаҕыт, ЗОМБИЛАР!

Ылан көрүөххэ 50-60 саастаах дьону уонна 20-30 саастаах билиҥҥи ыччаты. Кинилэр (эһиги) Горбачёвка, Ельциҥҥэ, Путиҥҥа, Медведевкэ олорон кэллигит. ССРС саҕана эһиги нормальнай олоххо олорботоххут, режим отой атын этэ. Дьиҥэр үчүгэй олоххо олоруохха сөп этэ, ол кэмҥэ тас дойдулар сүүс төгүл үчүгэйдик олорбуттара. Экономическай да өттүнэн уонна политсистема сытыйбыта, нормальнай олоххо ыраланар эрэ этигит. Кураанах аҥаардаах прилавоктар, ас арааһа дэлэй буолбатах уонна барыта бобуу-хаайыы.

Онтон ыарахан 90-с сыллар кэлбиттэрэ. Бэйэм ол саҕана кыра оҕобун, өйдүүбүн, аччыктаабытым. 1991-99 сылларга ССРС бириэмэтигэр холоотоххо Ельцин, көҥүл диэн баара. Ол эрээри олох таһыма 80-с сыллар ортолоруттан быдан мөлтөх этэ. Хамнас, пенсия суох, криминал о.д.а.. Эбиитин эмэһэҕэ тэп диэбит курдук Чубайс, Гайдар курдук дьон предприятиелары приватизациялаабыттара, барыта чааһынайга барыы саҕаламмыта. Дьэ саҕаламмыта Россияҕа олигархтар элбээһиннэрэ.

Дьэ уонна төбөбүтүн үлтү булкуйар тв-зомбоящик нөҥүө пропагандалар күн бүгүҥҥээҥҥэ диэри буола турар. Ол саҕана Интернет суоҕа. 1998 сылга Россияҕа саамай улахан экономичөскай кризис буолар. Төһө эмэ Ельцин бараххан «дефолт буолбат!» диэбитин үрдүнэн. Дьэ итинтэн киһи кыһыйар-абарар!

Онтон уруйдуур Путиҥҥыт кэлбитэ, 2000 сыллаахтан. 90-с сылларга холоотоххо олох таһыма уларыйбыта, арыый тупсубута диэххэ сөп. Нефть сыаната даҕаны 10-25 доллар этэ, Путин саҕана 2000-2008 сылларга 25-100 долларга тиийэ тахсыбыта. Онтон Медведев 4 сыл олорбута, улахан уларыйыыны аҕалбатаҕа. 2008-2009 сылларга мировой кризис буолан хаалар. Онтон эмиэ күн бүгүҥҥээҥҥэ диэри – Путин. Туох даҕаны политическай уларыйыылар буолбатылар. Хата ол үрдүнэн Крым аннекциятын иһин 2014 сылтан Россия гражданнара орто мээрэйинэн 30% дьадаҥылар элбээн биэрэллэр.

Итинэн сиэттэрэн эттэххэ: саастаах дьоммут эһиги, 50-60 саастаахтар, тулуйбуккут-аһарыммыккыт ССРС кризиһин, сууллуутун, айдааннаах 90-с сыллары. Ол иһин 2000 сылтан бүгүҥҥээҥҥэ диэри кэми наһаа үчүгэй бириэмэнэн ааҕаҕыт. Эрэйдээх, хараҥа сылларбыт хатыланыахтара диэн куттанаҕыт. Ол эрэ инниттэн Путин эһиэхэ үчүгэй салайааччы буолар.

Аны ылан көрүөххэ 20-30 саастаах кэнчээри ыччаппытын. Кинилэр эһиги саастаах дьон көрөр, мэйиини сайҕыыр передачаларгытын телевизорынан көрбөттөр. Билиҥҥи политиканы албыннаан пропагандалыыр сонуннары-эҥини көрбөттөр. Наада буоллаҕына билиҥҥи ыччат интернет ситиминэн (Ютубунан, атын да сайтарынан) кырдьыгы булан ылан көрөр. Билиҥҥи ыччат сайдыылаах тас государстволар курдук таһымҥа олоруохтарын баҕараллар. Аан дойдуга аан барыта аһаҕас буолуон, көҥүлү, хаачыстыбаннай медицинаҕа, чиэһинэй сууттарга, курдары көстөр докумуоннарга, политик уонна гражданин биир кэриэтэ таһымнаах буолуон баҕарар.

Чэ уонна да өссө элбэх араас, ону барытын манна суруйбаппын. Итинтэн барытыттан билиҥҥи ыччат матан олорор. Ол иһин билиҥҥи путинскай режими убаастаабат, өйөөбөт. Билиҥҥи интернет, технология үйэтин саҥа көлүөнэ ыччата эһигиттэн, о.э. 50-60 саастаахтартан өйүн таһыма чуолаан интернет, технология өртүтүгэр хас эмэ төгүл өйдөөх, мындыр, олус түргэнник эргитэн-суоттаан толкуйдуур. Чэ, кини историяны, литератураны нойосуус билбэтин даҕаны.

Саастаахтар эһиги маннык, туох даҕаны уларытыыны киллэрбэккэ олорбуккут курдук олоруоххутун баҕараҕыт. Оттон эдэр ыччат уларыйыыны баҕарар, кинилэр өйдөрүгэр-санааларыгар билиҥҥи режим хайа да өртүнэн баппат, сөбүлээбээттэр. Туох барыта айылҕа сокуонунан уларыйан иһиэхтээх, биир сиргэ өр буксуйан баран олорор олус да куһаҕанын бэйэҕит билэҕит, Ыччат атын олох баарын билэр: үчүгэй хамнастаах, үчүгэй медициналаах, үчүгэй суоллаах, чиэһинэй политиктардаах о.д.а..

Билиҥҥи кэнчээри ыччаты истиэххэ наада. Олох уларыйан иһэр. Ким даҕаны бу орто дойдуга куруутун кэлбэт. Сайдан иһиэххэ наада. Биир киһини уруйдуу сылдьыбакка!

 

Уруйдаан.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
5 + 4 =
Solve this simple math problem and enter the result. E.g. for 1+3, enter 4.