Доллар61.26 Евро72.24
+8 °С

Саха омук Конгреһын тэрийии

14:13 в 01.11.20180 18

Саха омук Конгреһын тэрийии инники дьылҕабытын быһаарыаҕа. Саха омук государственноһын ылыныы кэнниттэн 1993 сыллаахха Конгреһы үлэлэтии саха омук инники дьылҕатын түстээһиҥҥэ биир улахан хардыы оҥоһуллубутун бэлиэтэ этэ.

Ол ааспыт кэмнэргэ суверенитет суураллыытын, Конституциябыт өлүүтүн, маҥнайгы Президени суулларыыны утараммын элбэх ыстатыйалары суруйан, мунньахтарга тыл этэн сирэй көмүскээбит киһи буоларбынан, бу билиҥҥи Сахабыт сиригэр үөскээбит ыарахан балаһыанньаҕа санааларбын маннык үллэстэбин:

1. Саха омук Конгреһын үчүгэйдик бэлэмнээн, норуот киэҥ эйгэтин хабан, төһө кыалларынан түргэнник ыытарга баҕа санаабын этэбин.

2. Балаҕан ыйын 27 күнүгэр государственноспыт күнүн бэлиэтиибит эрээри, дьиҥнээх олохпутугар үөһээттэн быһаччы президентскэй салайыы усулуобуйатыгар олоробут. Мин биэс уонтан тахса сыл устата омугум быраабын, көҥүлүн көмүскээбит киһи буоларбынан, биһиги саха омук бырааппыт-көҥүлбүт толоостук кэһиллибит кэмигэр олоробут. Василий Данилов уо.д.а. быраап, көҥүл туһунан этиилэриттэн сүрдээҕин үөрдүм. И.И.Шамаев, В.Н.Дарбасов уо.д.а. саха Конгреһын ыытыы туһунан эппит санааларыгар сөбүлэһэбин уонна бу дьону саха омук дьиҥнээх патриоттара диэн өйдөбүл норуокка киириэхтээх.

3. «Сир», «Сомоҕо күүс» общественнай тэриллиилэри үлэлэтэммит ийэ сирбитин, айылҕабытын, омукпут инники дьылҕатын көмүскээбиппит балай да ситиһиилэрдээх буолла. Айылҕабытын харыстааһыҥҥа Ил Дархан бастакы ыйааҕын улаханнык биһириибит уонна ити ыйаахха биһиги үлэбит түмүгэ эмиэ көстөр. Парламент аҥаарыттан ордуга саҥа депутаттар буоллулар. П.Н.Гоголев университет учёнайа бастакы депутат, парламент спикерэ буолбутун өрө көтөҕүллэн туран өйүүбүт.

4. Саха сиригэр глобализация дохсуннук киирэн эрэр. Глобализация диэн кыра омуктар сирдэрин, айылҕаларын, баайдарын күүс өттүнэн былдьааһын, кинилэри сыыйа симэлитии. Глобализация сүрүн инструмена, көстүүтэ Саха сиригэр Дальневосточнай гектар сокуона киирэн үлэлээһинэ буолар. «Гектар» сокуонун Саха сириттэн таһаарар туһугар Конгресска улахан кэпсэтии барыахтаах.

5. Бу Конгресска хайаан да саха эдэр ыччаттарын кытыннарыллыахтаах. Улуу киһибит М.К.Аммосов аатынан университет саха интеллигенциятын таһаарар кыһа буоларынан, кэлэр үйэ салалтата бу кыһаттан үүнэн тахсалларын күүтэбит.

 

Пётр ГУЛЯЕВ.

Нам улууһа, Түбэ нэһилиэгэ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
5 + 4 =
Solve this simple math problem and enter the result. E.g. for 1+3, enter 4.