Доллар64.07 Евро72.24
-8 °С

Пётр Гуляев: Саха омугу көмүскүүр туһугар

06:17 в 09.04.20190 75

Түҥ былыргы өбүгэлэрбит саҕаттан биһиги сахалар кэрэ аҥаарбытын – аал уот дьиэ далбар хотуна, үҥэр таҥара оҥостон өрө тутарбыт.

Киргиис омук сидьиҥ дьоно таһаарбыт буруйдара бу омугу Аан дойду норуоттарын иннигэр кинилэргэ хара мэҥи түһэрдэ, аптырытыаттарын алдьатта. Онтон тустаах биһиги саха омукка саха дьахтарын иннигэр оҥорбут сидьиҥ быһыылара Саха сирин олохтоохторун барыларын аймаата, долгутта. Маннык ханнык да сиэргэ-майгыга баппат быһыы, түбэлтэ тахсыбыта сахалар өйдөрүгэр-санааларыгар хаһан да сотуллубат, иэстэбиллээх быһыыны-майгыны үөскэтэр.

Биһиги сахабыт ыччата бу буолбут түбэлтэҕэ күүс өттүнэн киргиистэри дьакыйыы суолугар турунарга бэлэмнэрин биллэрбиттэрин улаханнык аптырыаттанар кырдьаҕастарбыт өйдөтүүлээх үлэни ыытаннар, Саха сирин үрдүнэн кыайан хонтуруолламмат буолуох балаһыанньа тохтотулунна. Бу сырыыга биһиги муударай, өйдөөх кырдьаҕастарбытыгар махтаныах тустаахпыт. Өскөтө, инникитин балаһыанньа хатыланар түбэлтэтигэр Саха сиригэр быһыы-майгы эмискэ сытыырхайан кыайан хонтуруолламмат да буолуон сөп. Биһиги, сахалар, национальнай интэриэспитин көмүскэнэр буолан, ханнык да түбэлтэҕэ бэйэбитин буруйдааҕынан ааҕыныахпыт суоҕа.

«Өрөгөй» спорт дыбарыаһыгар буолбут миитиҥҥэ Ил Дархаммыт Айсен Сергеевич норуотун көмүскүүр тыллары эттэ. Саха сирин норуоттара омук быһыытынан национальнай интэриэстэрин көмүскүүр туһугар бары туруммуттара, ордук ыччаттарбыт инники күөҥҥэ тахсыбыттара киһини сөхтөрөр, олус диэн махтанныбыт даҕаны. Биһиги ыччаттарбыт инники дьылҕаларын өйдөөбүттэр, төрөөбүт дойдуларын көмүскүүргэ куруук бэлэмнэрин көрдөрдүлэр. Норуокка туһаайыллыбыт ис санааны этэн туран, Саха сирин үрдүкү салалтатыгар уонна парламеҥҥа маннык ис хоһоонноох этиилэри киллэрэбит.

Бастакытынан. Биллэрин курдук баай айылҕа ресурсалаах Сахабыт сиригэр араас омуктар киирдилэр уонна олохсуйа сатыыллар. Кытаанах суут-сокуон, хонтуруол суоҕунан туһанан олохтоох нэһилиэнньэҕэ араас куһаҕан дьайыылары оҥороллорун, оҥорбуттарын даҕаны туһунан элбэх холобурдары аҕалыахха сөп.

Иккиһинэн. Саха сирин олохтоох норуоттара бэйэлэрин-бэйэлэрэ дьаһанан чөл, ыраас, байылыат олохтоох олоҕу оҥостоллорун, төрөөбүт сирдэрин айылҕатын харыстыылларын туһугар кэлии омуктары киллэриини инникитин тохтоторго бэйэбит салалтабытыгар этии киллэрэбит.

Үсүһүнэн. Быһа кэпсэтиинэн атын дойдулартан үлэһит илиини киллэрэр тутуу уонна да атын тэрилтэлэр үлэлэрин тохтоторго. Республикабытыттан бу кэмҥэ докумуона суох уоран киирбит атын омуктары барыларын үүртэлиэххэ. Депортация диэн өйдөбүл муҥутуур күүскэ үлэлиэхтээх.

Төрдүһүнэн. Бу күнтэн саҕалаан атын омуктартан үлэһит Саха сиригэр киирэрин булгуччу тохтотуохтаахпыт. Олохтоох ыччаттарбытыгар үлэ миэстэтин промышленноска, тыа сиригэр үчүгэйдик былааннаан, аттаран ыччат барыта үлэлээх буоларын хааччыйыахтаахпыт.

Бэсиһинэн. Түмсүүлээх, сомоҕоһуулаах буолуубут биһиги омук быһыытынан бэйэбитин-бэйэбит дьаһанар балаһыанньаҕа киириибитин төрдө буолуо.

Пётр ГУЛЯЕВ.

Нам улууһа, Түбэ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
1 + 8 =
Solve this simple math problem and enter the result. E.g. for 1+3, enter 4.