Доллар61.26 Евро72.24
+8 °С

Өрүстэрбитигэр балык аҕыйаата

14:09 в 29.10.20180 13

Мин Алдан өрүскэ уонна кини салаата Амма өрүскэ балыкпыт бары көрүҥнэрэ, кэлиҥҥи 50-60 сылга сыыйа лаппа аҕыйаата диэн өйдөбүллээхпин. Урут сэрии саҕана, Алдан өрүскэ, биһиги нэһилиэкпитигэр Амма өрүс төрдүгэр уонча сыл «Рыбзавод» диэн начальнай оскуолалаах тэрилтэ үлэлии сылдьыбыта. Кинилэр элбэх балыгы бултаан государствоҕа туттараллара.

Кэлин 1960-с да сылларга диэри Алдан өрүскэ балык уруккутун курдук элбэх этэ. Кэлиҥҥи уонча сылларга атын да дьонтон ыйыталаһан көрдөхпүнэ, Бүлүү, Дьааҥы, Халыма өрүстэргэ балык аҕыйаата дииллэрин истэбин. Билигин маҕаһыыннарга кыһыл эттээх кета, горбуша балыктар, кыһыл искэх, треска балык быара кэнсиэрбэ көстүбэт буоллулар. Ол да балыктар эмиэ аҕыйаатахтара буолуо. Уопсайынан муора балыктара материк өрүстэринэн саастара ситтэҕэ, ыары, ууһаары өксөйөллөр. Холобур, Амур өрүскэ кета балык, Саха сиригэр күндүөбэй балык.

Өрүстэрбитигэр балык аҕыйааһына өрүстэр уулара киртийиититтэн буолуон сөп диибин. Ити өрүстэр уулара киртийиитигэр сүрүн оруолу тыһыынчанан уу мотуордарын уматыктарын гааһа барыта өрүс уутугар тахсарыттан диэн сабаҕалыыбын. Тоҕо диэтэххэ, бары мотуордар үлэлээбит гаастара (выхлопной газ) дьааттаахтар. Ол да иһин суоппардар бэйэлэрин гараастарын иһигэр, эбэтэр айаҥҥа тохтоон сынньана олорон, ардыгар утуйа сытан өлөр түбэлтэлэрэ тахсыталыыр. Гөрүүчэй умайбыт гааһа күүстээх дьааттаах.

Уу мотуордарын айан оҥорор инженердэр уматык гааһа барыта салгыҥҥа тахсар гына оҥороллорун ситиһиэххэ. Өрүстэрбит уулара киртийиитин үчүгэйдик үөрэтэн биллэхпитинэ уонна ол киртийиини туораттахпытына эрэ балыктарбытын быыһыахпыт, элбэтиэхпит.

 

Пантелеймон ДАРБАСОВ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
8 + 10 =
Solve this simple math problem and enter the result. E.g. for 1+3, enter 4.