Доллар61.26 Евро72.24
+8 °С

Норуоту хайыта сатааһын

10:55 в 02.11.20180 10

Республика хаһыаттарыгар, интернеткэ, бассаапка Дьокуускай куорат Орджоникидзе аатынан болуоссатын Ойуунускай аатынан уларытан ааттыахха диэн эмиэ айдааран эрэллэр.

Өссө илии баттааһынын хомуйаллар дииллэр. Итинник этиилэри урут да оҥороллоро, ол норуот өйөбүлүн ылбатаҕа.

Болуоссаты Ойуунускай аатынан ааттаатахха саха тыла ордук сайдыа үһү. Киһи да күлэр. Орджоникидзе болуоссатыгар Ойуунускай пааматынньыга баар, баар-суох театрбыт Ойуунускай аатын сүгэр.

Орджоникидзе, атын да революционердар үөрэтэннэр, кинилэр сабыдыалларынан Ойуунускай уонна кини доҕотторо Саха сиригэр сэбиэскэй былааһы олохтообуттарын ыччакка кырдьыгынан кэпсиир оннугар кинилэр ааттарыттан аккаастана сатааһын суобаһа суох быһыы буоллаҕа дии. Орджоникидзе суоҕа эбитэ буоллар Ойуунускай да суох буолуо этэ.

Орджоникидзе аатыттан аккаастана сатыыр күүстэри общественность сэмэлиэх тустаах дии саныыбын.

 

Василий ТАЛОНОВ,

СР бочуоттаах бэтэрээнэ, юрист.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
3 + 2 =
Solve this simple math problem and enter the result. E.g. for 1+3, enter 4.