Доллар61.26 Евро72.24
+8 °С

«Ньиэрбэбитин» кыратык уларыттахха?

10:10 в 09.11.20180 18

Соторутааҕыта судаарыстыбаннаспыт күнүн бэлиэтээтибит. Били 1990 сыл балаҕан ыйыгар суверенитет туһунан декларация ылыммыт күммүтүн.

Онтон 1992 сыл муус устар 27 күнүгэр судаарыстыбаннай былаах, Конституция уонна Гербэ бигэргэтиллэн ылыммыппыт. Онтон билигин суверенитеты бэйэҕит да билэҕит, былаахтаах Гербэбит (үөрэҕэ суох киһи ити төбөтүгэр «Ньиэрбэ» диир буоллаҕым) кыралаан уларыйар да буоллар Конституциябыт бааллар.

Гербэҕэ кыра уларытыы киллэрэр буоллар хайдах буолуо этэй? Билиҥҥи аттаах киһи дуоҕа тутан олорор. Ити ойуу Иркутскай уобалас Сиськино диэн дэриэбинэтин таһыгар хайаҕа баар үһү. Ону Окладников бу былыргы сахалар төрүттэрэ хаалларбыттар диэн быһаарбыта. Б.э. букатын тыһыынча сыл иннинээҕи ойуу. Ону биһиги бэлиэ оҥосторбут саамай сөп. Ол гынан баран эмиэ ситинник аттаах, туох эрэ аркааннаах, сылгы тутар тэриллээх дьон ойуута эмиэ баар. Олор бука сэрэйдэххэ сылгыһыт-бостууктар, быһатын эттэххэ үлэ дьоно эбиттэрэ буолуо.

Оттон дуоҕалаах-былаахтаах киһи буойун буолуон сөп. Мин этиим, буойун оннугар үлэ киһитин бэлиэ оҥосторбут ордук буолуо суоҕа дуо? Биһиги эйэлээх дьон буоллахпыт – кими да кытта сэриилэһэр баҕабыт суох. Ити мин тус бэйэм санаам. Оттон эһиги туох диигит?

 

АХЧА.

 

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
2 + 1 =
Solve this simple math problem and enter the result. E.g. for 1+3, enter 4.