Доллар61.26 Евро72.24
+18 °С

КПРФ туруорсар! Пенсияҕа тахсар сааһы үрдэтэри тохтоторго

08:35 в 13.07.20180 214

Киһи олоҕун айгыратарга туһуламмыт пенсияҕа тахсар сааһы үрдэтэр сокуон барыла олоххо киирдэҕинэ, уһун кыһыннаах Саха сирин олохтоохторугар ордук күүскэ охсуоҕа.

Бу олоҕо суох пенсияны үрдэтэр сокуон барылын тохтотор туһуттан КПРФ Госдумаҕа, Ил Түмэҥҥэ туруорсар. Урукку Советскай Союз кэмнэригэр үлэлиир миэстэ элбэҕинэн, пенсия кээмэйин тэҥинэн төлөөн нэһилиэнньэ долгуйуута буолбат этэ. Билигин үлэтэ суох киһи олус элбээтэ. Ол иһин пенсияны төлүүр харчы суох дииллэр. Ол эрээри сир баайын атыытыттан киирэр миллиардынан үгүөрү харчыны чиновниктар уонна капиталистар мэҥиэстэн олороллор, онон харчы суох буолбатах.

Коммунистар бу сокуон барыла олоххо киирдэҕинэ дьон иэдэйиэхтээҕин билэллэр. Ол иһин пенсияҕа тахсар сааһы үрдэтэри тохтоторго, чиновник уонна боростуой киһи пенсията диэн араарбакка, барыта тэҥ буолуохтааҕын коммунист-депутат Аммосов Пётр Револьдович (Уус-Алдан улууһа) уонна коммунистары өйөөччү политик Санников Михаил Семёнович (Мэҥэ-Хаҥалас улууһа) туруорсаллар. Оччоҕуна эрэ дьон олоҕор эппиэттиир пенсия баар буолуоҕа.

Онуоха сөбүлэһэр буоллаххына куоластаа, аллараа "Нравится" диэни баттаа.

Мария ЗАХАРОВА.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
8 + 12 =
Solve this simple math problem and enter the result. E.g. for 1+3, enter 4.