Доллар61.26 Евро72.24
+18 °С

Хапсаҕай киэҥник тэнийдин!

14:20 в 11.04.20180 33

Көҥүл тустуу, дзюдо, самбо, хапсаҕай – бэйэ-бэйэлэриттэн букатык атыннаах буолуохтаахтар. Ол курдук техниката, быраабылата, ирдэбилэ, сууттааһына о.д.а..

Хапсаҕай ыыра ыраатан, иэнэ тэнийдэр тэнийэн истин. Көҥүл тустууга хапсаҕай албастарын туһаныахха сөп буоллаҕына, хапсаҕайдаһан тустууга көҥүл тустуу ньымаларын туттуу букатын бобуллуохтаах. Көрө, ыалдьа олорор киһиэхэ хапсаҕай диэн хапсаҕай буолуохтаах. Ол эбэтэр уун-утары сирэй-сирэйдэрин көрсө-көрсө харбыалаһан, хапсыһан, атахтаһан хапсаҕайдаһыахтаахтар.

Ону баара сорох хапсаҕайдьыттар көҥүл тустууга курдук кэннигэр түһэн баран ырычаахтаһа сатыыллар. Көрөргө да соччото суох, хапсаҕайы минньитэрин оннугар сымсатар.

Ити үксэ хапсаҕайы этигэр-хааныгар ситэ иҥэринэ илик эдэрдэргэ сыһыаннаах. Кэннигэр түһэн, иилиллэн хапсаҕайдаһар киһиэхэ сэрэтии бэриллиэхтээх уонна утарсааччытыгар биир баалы биэриэххэ. Оччоҕуна хапсаҕай ирдэбилэ күүһүрүөхтээх.

Эдэр бэтэрээннэр хапсаҕайдарын бырахпакка, өр сылларга дьарык оҥостон эдэрдэргэ үчүгэй эрэ өттүнэн холобур буола сылдьыахтаахтар.

Оройуоннарынан, нэһилиэктэринэн, тустар көбүөр иһигэр хааччахтанан (Үөһээ-Бүлүү Поскачин В.С.) хапсаҕайдаһыы олус диэн интэриэстээх эбит. Сомоҕолоһуу, түмсүү диэн ити буолар буоллаҕа.

Эдэрдэр ортолоруттан күүстээх, сатабыллаах хапсаҕайдьыт буола үүнэн иһэллэрэ киһини эрэ үөрдэр-көтүтэр. Холобур Никита Валеев Дьокуускай куораттан икки аатырбыт республика хапсаҕайдьыттарын: Платон Саввиновы Үөһээ-Бүлүүттэн, Вадим Семёновы Намтан хотуталаабытын көрдүм, сөхтүм, үөрдүм. Кини соторутааҕыта оскуола үөрэнээччитэ буола сылдьан хапсаҕайдаһара харахпар бу баар курдук. Никита этэҥҥэ сырыттаҕына бырааттыы Чукровтары солбуйар хапсаҕайдьыт буолар кыахтаах эбит дии санаатым.

Санаа хоту буолуохтун! Үүнэн, сайдан, күүһүрэн иһэр ыччаттары ким сириэй...

 

Эбээ БИЭРЭ.

Покровскай к.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
2 + 9 =
Solve this simple math problem and enter the result. E.g. for 1+3, enter 4.