Доллар62.95 Евро70.56
+17 °С

Эстэр кэм кэллэ курдук

11:04 в 17.02.20190 403

Сүөһүттэн үүтүн, этин туттаран тыыммыт уһаан олорор. Сайыннахпыт аатыран аны олорор идэһэҕин кииннэммит буойунаҕа, өлөрөр, илдьэр-аҕалар ороскуоттарын төлөөн дьаһаныахтааххын.

Саха киһитэ идэһэтин бэйэтэ тутан-хабан астыырын сөбүлүүр. Ырытыллыбыт сааҕын кэмин көрөн уоттуур, хайа уонна суордарбыт – бэйэбит санитардарбыт ыраастыылларын киһи барыта билэр. Буойунаҕа астаннаҕына хаарыан хаан сүтэр. Олохтоох киһи бастаан хаанын суон оһоҕоһугар кутан, буһаран сиирин сөбүлүүр. Иһэ-үөһэ барыта туһаҕа тахсар. Ыаллар сибиэһэй эти сиэн уһун кыһыны этэҥҥэ туоруулларыгар күүс-сэниэ эбинэллэр.

Аны иккис ыарыым, үүтү анал дойканан ыахтаах үһүбүт. Бу тойотторбут кыра-хара норуоту олохторун тупсарар быһыылара. Эрэйдэрин элбэтэн бэтэринээрдэр сотору-сотору бэрэбиэркэ оҥорон харчы бөҕө төлөттөрөллөр.

Биир өрөбүлэ суох сүөһүлэригэр мөхсөр дьоммут сүөһүлэрин эстэхтэринэ, үтүмэн үптээх тойотторбут эстэргэ барбыт сахаларын иитиэхтэрэ дуо?

Дьокуускайтан чугас олорор оройуон олохтоохторун сүөһүлэрэ сүтэр буолбута хас да сыл буолла. Биир эмэ түөкүнү тутан сүлүллүбүт сүөһү, сылгы тириитинэн төбөтө көстөр гына суулаан, болуоссакка норуот көрүүтүгэр туруоруохха. Тириитин кэппитинэн анал хаамыраҕа хас да хоннордоххо моһуората көнүө этэ. Тириини кэппит дьону көрбүт киһи... Дьэ, көр бөҕө буолуо этэ.

Тобуй ӨЛҮӨСЭ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
8 + 0 =
Solve this simple math problem and enter the result. E.g. for 1+3, enter 4.