Доллар61.26 Евро72.24
+8 °С

Дал сүөһүлээх ыалга барытыгар баара

11:22 в 31.10.20180 15

«Тойон Кыыл» диэн киинэ Аан дойдуга улаханнык аатырда. Киинэ оҥорооччулары, артыыстары хайгыахха наада. Саха киинэтэ сайдарыгар биир улахан хардыы оҥоһулунна.

Киинэ оҥорооччуларга кэлэр өртүгэр туһалаах буоллун диэн бэйэм санаабын этэбин: бастакынан, саха омук уһук Хоту сири баһылаабыт, сүөһү иитиитин культуратын тэниппит, сайыннарбыт киһи-аймах киһи-аймах историятыгар улахан үтүөлээх омук буолар. Онон бу культураны үөрэтэр, ымпыгар-чымпыгар тиийэ сөпкө, дьоһуннаахтык көрдөрөр сөп этэ. Былыргы сахалар тутуулара, күрүөлэрэ-хаһаалара дьип-дьап курдук, үйэлээх, модьу-таҕа буолар. Саха ыала хайаан да кыбыылаах-хаһаалаах, даллаах, титииктээх буолаллара.

«Тойон кыыл» киинэҕэ көстөр ыаллар даллара суох, сүөһүлэрэ (саха ынахтара) улахан тымныы түһэ илигиттэн хотоҥҥо тураллар. Хайдах эбитэ буолла? Сахаларга ойбоҥҥо туттар сүүр, муҥха туттуллар сүүр тус-туһунаннар. Киинэҕэ ойбоҥҥо туттуллар сүүр олус уһун уктаах, туттарга табыгаһа суох, муҥхаҕа туттуллар уһун уктаах сүүр. Бу иккиһинэн.

Онон, сахалар олохторугар-дьаһахтарыгар, малларыгар-салларыгар, иһиттэригэр-хомуостарыгар улахан болҕомтону уурар наада. Сахалар сайыннарбыт культуралара сүрдээх, уһаналлара-туталлара барыта уурбут-туппут курдук, киһи сөҕөр. Маны умнубат сөп этэ. Бу биһиги, сахалар, киэн туттуубут буолар. Киинэ устарга анаан-минээн тутар, оҥорор сөп этэ.

 

Егор ШИШИГИН,

Саха музейын директора.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
7 + 9 =
Solve this simple math problem and enter the result. E.g. for 1+3, enter 4.