Доллар61.26 Евро72.24
+8 °С

Былатыан, бырастыы!

10:04 в 06.11.20180 23

(П.А.Ойуунускай 125 сылыгар ананар)

 

Арылхай харахтаах,

Сырдыктай сирэйдээх,

Оттомноох, оонньуулаах,

Уус тыллаах бэйэлээх.

Бып-быыкаа, бып-быыкаа

Былатыан барахсан.

 

Олорор олоҕун

Олоҥхо сүүйэрэ.

Уончалаах эрдэхтэн

Уоланныы туойара.

Уол оҕо Былатыан

Олоҥхо куттааҕа.

 

Ааҕарга үөрэнэн,

Аар саары саатырдан

Уон сэттэ сыллаахха

Уот тылы эппитэ:

«Күн Судаар, күөмчүлэн,

Баай-тот бахтайдын».

 

Кээрэкээн удьуора

Кэрэ сир кэскилин

Айыы сээн тылынан

Аан маҥнай дьүһүйтэ.

Өй-сүрэх мөккүөрэ –

Баай-тот баттала.

 

Саа тутан, сэриилээн

Батталы түҥнээртэ.

Саргылаах саханы

Салайсан барбыта,

«Былааһы – Сэбиэккэ!» –

Былатыан эппитэ.

 

«Ойуунун түүлүгэр»,

Оргуйар олоҕор,

Дьон-норуот иннигэр

Дьол туһун туойбута,

Аммосов доҕордоох

Ама ким самныаҕай!

 

Олоҥхо ууруулаах,

Олоххо дьоҕурдаах,

Көмүскэс санаалаах

Күн ууһун дьоноҕут.

Саргылаах сахалар

Сайдыахпыт, үүнүөхпүт.

 

Ойуун Уус аар аатын,

Олоҥхо олоҕун

Дьоһуннук ахтыахпыт,

Дьорҕооттук туттуохпут.

«Удьуорбут ууһуоҕа,

Уруйдуу туруоҕа!»

 

Бу дьоллоох олохпут,

Бу кэлэр кэскилбит

Төлкөлөөх түсчүтэ,

Төлөннөөх сулуһа,

Былатыан, бырастыы!

Былатыан, бырастыы!

 

Валерий МИХАЙЛОВ.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
6 + 9 =
Solve this simple math problem and enter the result. E.g. for 1+3, enter 4.