Доллар63.77 Евро70.63
-29 °С

Буруобут быстыбатын туһугар

12:17 в 23.03.20170 18

Соторутааҕыта телевизорга «Бүгүҥҥү күн ыччатын лидерэ» диэн ыччаттары кытта үлэлэһэр, түмсүүлэри салайар лидердэр кэпсэтиилэрэ буолла. Ол кэпсэтиигэ сүрүннээн араас салааларга үөрэнэр ыччаттар сайыҥҥы кэмҥэ үлэлэрин сүрүннүүр уонна үөрэхтэрин бүтэрдэхтэринэ ханна, хайдах үлэ булалларын туһунан кэпсэтиини ыыттылар.

Билиҥҥи кэмҥэ араас олохтоох, дьылҕалаах, олох уустуктарыгар оҕустарбыт, оҕо дьиэтиттэн саастара ситэн бэйэлэрин бэйэлэрэ салайынар суолга хайдах үктэниэхтэрин чопчу билбэт, аны эрэһээҥки нөҥүө олорон босхоломмуттары сүгүн үлэҕэ ылбаккалар эрэйдииллэр. Ол түмүгэр арааска тиийии-түгэнии, куһаҕан дьыллыкка ылларыы, үлэтэ суох халтай хаамыы,үргүлдьү чэпчэки олоҕу эккирэтии, түүҥҥү кулууптарынан сылдьан кыргыттарынан «оонньооһун», онуоха сөп түбэһэр кыргыттар үксээһиннэрэ баарын, ону хайа албаһынан тугу олоххо киллэрэн, бу ыччаттары көнөр суолга үктэннэрбит киһи диэн кэпсэтии суох буолла.

Уопсайынан бу туһунан телевизорга да, араадьыйаҕа да ким да тыыммат. Наар ситиһиини, үчүгэйи эрэ кэпсииллэр. Биир да мөлтөх өрүт суоҕун курдук. Дьиҥэр ити араас куһаҕан дьаллыкка ылларааччылары, бэрээдэги кэһээччилэри утары үлэлэһэр общественнай түмсүү тэрийэн телевизорга, араадьыйаҕа биэриилэргэ кытыннаран, санаа үллэстэн, кинилэр санааларын истэн ону түмүктээх гына үлэлэһэр киһи суукка-сокуоҥҥа соһуллааччы аҕыйыа, үгүс саҥа, эдэр ыал тэнийиэ, үлэ бөҕө үлэлэниэ, оҕо бөҕө күн сирин көрүө этэ.

Билиҥҥи кэмҥэ үрдүкү салалта өртүттэн үлэбитин, олохпутун салгыыр ыччаттарбытыгар хаһааҥҥытааҕар да болҕомто сытыытык туруон наада. Оччоҕо эрэ саха омук тэнийиэ, саха аатын суола оһуо, буруота быстыа суоҕа.

 

Зинаида ЕГОРОВА.

Нам.

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
5 + 3 =
Solve this simple math problem and enter the result. E.g. for 1+3, enter 4.