Доллар61.26 Евро72.24
+18 °С

Аныгы тойон

14:20 в 12.07.20180 31

Кабыньыатын остуолугар

Кичэйэн малын дьаһанна.

Бакыаттары суумкатыгар

Бэрээдэктээн сааһыланна.

 

Кириэһилэҕэ тиэрэ түһэн

Түөһүн мөтөччү тутунна.

Кирин, быылын көрүнэн

Таҥаһын илбийэ тэбэннэ.

 

Астыннаҕа, кэҕис гынна

Чочумча ньимийэ олордо.

Аан тоҥсуурун истээт да

Чөрөйө түстэ «даа-лаата».

 

Элбэх оҕолоох эдэр ийэ

Үлэҕэ биллэрии баарына,

Эрдэ аҕалан дьыаланы

Үрдүк тойоҥҥо туттарда.

 

Тойон сиһилии көрдө, аахта,

Тохтуу түһэн толкуйга түстэ.

«Оҕото алта, дьупулуома үстэр

Онтон, бай, иккитэ үрдүктэр».

 

«Үлэтин ыстааһа боччумнаах,

Үөрэҕинэн толору бэлэмнээх,

Үрдүк дуоһунаска үлэлээбит

Үчүгэйдик уопутурбут эбит».

 

«Кумааҕыгын каадырга биэр,

Кэмииһийэ сирийэн көрүөҕэ,

Куонкурус түмүгэ быһаарар»

Куолутун эппэҥнээн кэбистэ.

 

Олорон тобулла толкуйу

«Оҕолооҕо мэһэй буолууһу,

Отой сулумах чүөчэ наада»

Оннук түмүктүүргэ сананна.

 

Каадырын ыҥыран ылан

Сураста дьыала төһөтүн,

Көрсөн барбыт чүөчэттэн

Соҕотох ким эдэр баарын.

 

Кэмиһийэ салайааччытыныын

Сүбэлэстэ, сипсистэ тиэтэйэн.

«Бу хотун наадалаах үөрэҕинэн,

Бэрдэ өссө үлэтин уоппутунан».

 

«Ол эрэн кини тардылыктаах

Оҕото элбэҕинэн барсыа суох.

Сууркай туттарга табыгастаах,

Сулумах соҕотох ордуктаах».

 

«Үөрэҕинэн иккиһэ мөлтөх,

Үрдүкү үлэҕэ сылдьыбатах.

Ол оннугар бэйэтэ соҕотох

Онон барсардыы оҥоруох».

 

«Чэ, маны араастык тобулуох,

Чуолкай өйдөһөн быһаарыах.

Эбэһээт кыайары булкуйуох,

Эрэһиэрбэнэн манньытыах».

 

«Наллаан, сэмээр ньалҕаарытыах

Кэмииһийэҕэ сулумаҕы ылларыах.

Наадалааҕы, дьэ, эрдэ абырыах

Кэлиҥҥигэ иэспитин баайыах».

 

Көр икки бүрүкүрээт киксиһэн

Куонкуруһу аатыгар ыытаннар,

Саарбах кэмииһийэни үлэлэтэн

«Сулумаҕы» үлэҕэ киллэрдилэр.

 

Үлэһит үөрэҕэр, уопутугар,

Кыаҕын, дьоҕурун наадыйбат,

Үрдүттэн бэйэтин эрэ туһугар

Кыһанарга маннык дьулуспут.

 

Дойдуга оҕолоох ийэ оруолун

Дьолоҕойугар ылбат «көнтөрүк»,

Улугурбут тэрилтэ тойотторун

Уопсастыба ылынара «көрүнньүк».

 

В. ГОРОХОВ – Таас уола.

 

Аватар пользователя Гость
CAPTCHA
This question is for testing whether or not you are a human visitor and to prevent automated spam submissions.
2 + 4 =
Solve this simple math problem and enter the result. E.g. for 1+3, enter 4.