СР норуот депутаттарын 2019 сыллааҕы дохуоттара уонна хамсаабат баайдара-дуоллара.
Алексеев Гаврил Николаевич сыллааҕы дохуота 8 мөл. 364 тыһ.солк., ыйдааҕытыгар таһаардахха 697 тыһ.солк. тэҥнэһэр. Бас билиитигэр массыыналаах. Кэргэнниилэр уопсай хамсаабат баайдарыгар-дуолларыгар үс сир учаастактаахтар, икки квартиралаахтар, массыына турар миэстэтэ баар. Сокуоннай саастарын туола илик үс оҕолоохтор.
Андреев Иван Иванович сыллааҕы дохуота 5 мөл. 499 тыһ.солк., ыйдааҕыта 458 тыһ.солк. Кэргэнин чааһынай бас билиитигэр сир учаастактаах, даачалаах, икки квартиралаах, киһи олорбот тутуулаах.
Березин Семен Максимович сыллааҕы дохуота 16 мөл. 194 тыһ.солк., ыйдааҕыта 1 мөл. 349,5 тыһ.солк. Бас билиитигэр Тойота Ланд Крузер 200 массыыналаах, икки сир учаастактаах, олорор дьиэлээх уонна гаражтаах.
Гоголев Александр Васильевич сыллааҕы дохуота 5 мөл. 287 тыһ.солк., ыйдааҕыта 440 тыһ.солк. Чааһынай бас билиитигэр үс массыыналаах, мотуордаах суднолаах, прицептаах. Кэргэнин бас билиитигэр киһи олорбот дьиэлээх. Кэргэнниилэр уопсай баайдарыгар олорор дьиэлээхтэр уонна киһи олорбот миэстэтэ баар. Сокуоннай саастарын туола илик үс оҕолоохтор.
Григорьев Юрий Иннокентьевич сыллааҕы дохуота 3 мөл. 705 тыһ.солк., ыйдааҕыта 308 тыһ.солк. Кэргэнниилэр босхо туһаныыга биир квартралаахтар. Сокуоннай саастарын туола илик түөрт оҕолоохтор.
Дорогань Андрей Николаевич сыллааҕы дохуота 5 мөл. 461 тыһ.солк., ыйдааҕыта 455 тыһ.солк. Босхо туһаныыга уонна уопсай үллэһиккэ биирдии квартиралаах.
Кошуков Александр Андреевич сыллааҕы дохуота 10 мөл. 558 тыһ.солк., ыйдааҕыта 819 тыһ.солк. Чааһынай бас билиитигэр түөрт массыыналаах, сэттэ сир учаастактаах, квартиралаах, произв. тутуулаах, киһи олорбот аҕыс тутуулаах, арендаҕа 16 сир учаастактаах. Кэргэнин бас билиитигэр массыыналаах, квартиралаах, гаражтаах, уопсай үллэһиккэ квартиралаах. Сокуоннай саастарын туола илик үс оҕолоохтор.
Ларионов Сергей Александрович сыллааҕы дохуота 14 мөл. 303 тыһ.солк., ыйдааҕыта 1 мөл. 191 тыһ.солк. Чааһынай бас билиитигэр икки сир учаастактаах, икки олорор дьиэлээх, түөрт квартиралаах, гаражтаах, тутуулаах. Уопсай үллэһиккэ сир учаастактаах, икки олорор дьиэлээх, икки гаражтаах, тутуулаах. Кэргэнин чааһынай бас билиитигэр Тойота Ланд Крузер 200, Тойота Лексус RX350 массыыналаах, киһи олорбот миэстэлээх. Кэргэнниилэр уопсай баайдарыгар сир учаастага уонна олорор дьиэ баара суруллубут. Сокуоннай сааһын туола илик биир оҕолоохтор, бас билиитигэр квартиралаах уонна кладовкалаах.
Лебедев Виктор Николаевич сыллааҕы дохуота 7 мөл. 772 тыһ.солк., ыйдааҕыта 647 тыһ.солк. Чааһынай бас билиитигэр Тойота Ланд Крузер 200, Мерседес Бенц, Тойота Лексус LX570 массыыналардаах, Робинсон R44 II вертолеттаах, квартиралаах, помещениелаах, босхо туһаныыга олорор дьиэлээх. Кэргэннээх, сокуоннай саастарын туола илик икки оҕолоох.
Мамедов Алиш Забид оглы сыллааҕы дохуота 8 мөл. 201 тыһ.солк., ыйдааҕыта 683 тыһ.солк. Бас билиитигэр квартиралаах, помещениелаах. Кэргэнин чааһынайыгар икки сир учаастактаах, олорор дьиэлээх. Уопсай баайдарыгар помещение баара суруллубут.
Парахин Гаврил Павлович сыллааҕы дохуота 45 мөл. 694 тыһ.солк., ыйдааҕыта 3 мөл. 807 тыһ.солк. Чааһынайыгар грузовой массыыналаах, прицептаах, помещениелаах. Уопсай үллэһиккэ сир учаастактаах, атыы-эргиэн кииннээх, олорор дьиэлээх. Кэргэнин сыллааҕы дохуота 1 мөл. 590 тыһ.солк. Дьатар уопсай үллэһиккэ сир учаастактаах, олорор дьиэлээх, гаражтаах. Кэргэнниилэр уопсай хамсаабат баайдарыгар үс сир учаастактаахтар, гаражтаахтар, маҕаһыыннаахтар. Сокуоннай саастарын туола илик икки оҕолоохтор.
Пинигин Павел Павлович сыллааҕы дохуота 3 мөл. 167 тыһ.солк., ыйдааҕыта 263 тыһ.солк. Бас билиитигэр массыыналаах, катердаах, прицептаах, сир учаастактаах, даачалаах. Кэргэнин сыллааҕы дохуота 1 мөл. 269 тыһ.солк. Уопсай хамсаабат баайдарыгар-дуолларыгар сир учаастага, олорор дьиэ, икки квартира, үс гараж баар.
Румянцева Наталья Леонидовна сыллааҕы дохуота 13 мөл. 599 тыһ.солк., ыйдааҕыта 1 мөл. 133 тыһ.солк. Кэргэнин сыллааҕы дохуота 4 мөл. 777 тыһ.солк. Бас билиитигэр массыыналаах, яхталаах, мотуордаах лодкалаах, сир учаастактаах, икки помещениелаах. Кэргэнниилэр уопсай баайдарыгар аҕыс сир учаастактаахтар, үс олорор дьиэлээхтэр, икки даачалаахтар, икки квартиралаахтар, үс помещениелаахтар.
Семенов Дмитрий Александрович сыллааҕы дохуота 3 мөл. 229 тыһ.солк., ыйдааҕыта 269 тыһ.солк. Бас билиитигэр икки сир учаастактаах, гаражтаах. Кэргэнин сыллааҕы дохуота 1 мөл. 226 тыһ.солк. Уопсай баайдарыгар икки сир учаастактаахтар, олорор дьиэлээхтэр, квартиралаахтар. Сокуоннай сааһын туола илик биир оҕолоохтор.
Семерков Валентин Игоревич сыллааҕы дохуота 3 мөл. 660 тыһ.солк., ыйдааҕыта 305 тыһ.солк. Чааһынай бас билиитигэр Тойота Лексус LX570 массыыналаах, мотуордаах лодкалаах, икки сир учаастактаах, квартиралаах, гаражтаах, помещениелаах. Кэргэнин сыллааҕы дохуота 31 мөл. 347 тыһ.солк., ыйдааҕытыгар түҥэттэххэ 2 мөл. 612 тыһ.солк. Бас билиитигэр грузовой массыыналаах, икки квартиралаах, гаражтаах.
Слепцов Иван Иванович сыллааҕы дохуота 7 мөл. 270 тыһ.солк., ыйдааҕыта 605 тыһ.солк. Бас билиитигэр Тойота Ланд Крузер Прадо 150 массыыналаах, квартиралаах. Кэргэнниилэр уопсай хамсаабат баайдарыгар үс сир учаастактаахтар, олорор дьиэлээхтэр, квартиралаахтар, баанньыктаахтар. Сокуоннай саастарын туола илик икки оҕолоохтор.
Слоик Александр Степанович сыллааҕы дохуота 24 мөл. 505 тыһ.солк., ыйдааҕыта 2 мөл. 42 тыһ.солк. Чааһынай бас билиитигэр Шершень1 самолеттаах, эрэһиинэ тыылаах, үс сир учаастактаах, олорор дьиэлээх, квартиралаах, гаражтаах. Кэргэнин сыллааҕы дохуота 7 мөл. 593 тыһ.солк., ыйдааҕыта 632 тыһ.солк. тэҥнэһэр. Бас билиитигэр икки массыыналаах, квартиралаах, икки гаражтаах. Сокуоннай сааһын туола илик биир оҕолоохтор, сыллааҕы дохуота 6 тыһ. 200 солк.
Смирнов Александр Александрович сыллааҕы дохуота 4 мөл. 356 тыһ.солк., ыйдааҕыта 363 тыһ.солк. Бас билиитигэр массыыналаах, икки моторнай суднолаах, мотуордаах лодкалаах, икки прицептаах, биэс сир учаастактаах, үс олорор дьиэлээх, квартиралаах, помещениелаах, гаражтаах. Уопсай үллэһиккэ квартиралаах. Сокуоннай саастарын туола илик икки оҕолоох.
Федоров Виктор Николаевич сыллааҕы дохуота 49 мөл. 548 тыһ.солк., ыйдааҕыта 4 мөл. 129 тыһ.солк. Чааһынай бас билиитигэр алта массыыналаах, катердаах, мотолодкалаах, прицептаах, икки сир учаастактаах, олорор дьиэлээх, үс квартиралаах, икки гаражтаах, массыына турар миэстэлээх, проходтаах, баанньыктаах, офистаах. Уопсай үллэһиккэ гаражтаах. Кэргэнин сыллааҕы дохуота 7 мөл. 880 тыһ.солк., ыйдааҕыта 656 тыһ.солк. тэҥнэһэр. Бас билиитигэр үс квртиралаах. Сокуоннай сааһын туола илик биир оҕолоохтор.
Федотов Руслан Еремеевич сыллааҕы дохуота 18 мөл. 521 тыһ.солк., ыйдааҕыта 1 мөл. 543 тыһ.солк. Чааһынай бас билиитигэр аҕыс массыыналаах, икки катердаах, уон икки сир учаастактаах, икки олорор дьиэлээх, 11 тутуулаах, тутуллан бүтэ илик объектаах.
Филиппов Семен Васильевич сыллааҕы дохуота 3 мөл. 741 тыһ.солк., ыйдааҕыта 311 тыһ.солк. Кэргэнин бас билиитигэр сир учаастактаах, Тойота Лексус массыыналаах. Уопсай хамсаабат баайдарыгар-дуолларыгар үс сир учаастактаахтар, олорор дьиэлээхтэр. Сокуоннай саастарын туола илик үс оҕолоохтор.
Членов Владимир Михайлович сыллааҕы дохуота 3 мөл. 796 тыһ.солк., ыйдааҕыта 316 тыһ.солк. Чааһынай бас билиитигэр массыыналаах, үс сир учаастактаах, даачалаах, икки гаражтаах. Кэргэнин бэйэтин бас билиитигэр икки сир учаастактаах, даачалаах, икки квартиралаах, гаражтаах. Уопсай баайдарыгар-дуолларыгар квартира баара сибидиэнньэҕэ ыйыллыбыт.
Эверстов Михаил Ильич сыллааҕы дохуота 2 мөл. 747 тыһ.солк., ыйдааҕыта 228 тыһ.солк. Кэргэнниилэр уопсай хамсаабат баайдарыгар-дуолларыгар Тойота Ланд Крузер 200 массыыналаахтар, сир учаастактаахтар, олорор дьиэлээхтэр, икки даачалаахтар.
Юмшанов Петр Петрович сыллааҕы дохуота 3 мөл. 184 тыһ.солк., ыйдааҕыта 265 тыһ.солк. Чааһынай бас билиитигэр квартиралаах. Онтон атын баай-дуол суруллубатах, кэргэннээх.
Сибидиэнньэҕэ 50 норуот депутата суруллубутуттан 24 депутат баһырхай хамнастаахтар кэккэлэригэр киирдилэр. Сыл түмүгүнэн ким үрдүк дохуоттааҕынан миэстэни аныыр эбит буоллахха, бастакы кирбиигэ турар 49 мөл. 548 тыһ.солк. дохуоттаммыт Федоров Виктор Николаевич; иккис 45 мөл. 694 тыһ.солк. дохуоттаммыт Парахин Гаврил Павлович; үһүс Слоик Александр Степанович, дохуота 24 мөл. 505 тыһ.солк..
Михаил ПЕТРОВ.
«Туймаада» хаһыат.
