Доллар61.32 Евро75.65
-1 °С
Аватар пользователя Гость
admin 10:23 в 03.06.20170 87

Кыыска үөмпүт. Биир кыыс: "... сыттаҕым бу дии"

Урут такси диэн хантан кэлиэй? Туох түбэһэринэн айанныырыҥ. Кыһалҕа тирээтэҕинэ хайыаҥ баарай, икки атаххар эрэнэҕин. Айаннаан иһэн аара чаардаан, хоммут-өрөөбүт да үгүс буолуохтаах.

Арай биирдэ Илдьиискэ (биһиги диэки Диискэ диирбит) сатыы айаннаан испит. Уонча биэрэстэни бараат, туораан тахсан сайылык ыалларыгар чэйдээбит. Оччотооҕуга ыччат-комсомольскай фермата буоллаҕа. Ферма кыргыттара эдэр уолу сэргээбиттэр. Ону-маны көмөлөһөн, уу баһан, мас хайытан Диискэ тардыллан хаалбыт. Киэһэрбит, онон Диискэ хоноһолуур буолбут. Кырдьаҕас, саастаах өттө туспа дьиэҕэ олорор эбиттэр. Онон кыргыттар дьиэлэригэр хойукка диэри олорон хаартылаабыттар.

Утуйар кэм кэлэн Диискэни аан ороҥҥо сытыарбыттар. Үчүгэй баҕайытык утуйуу буолбут.

Онтон түүн үөһэ уол биир кыыска үөмпүт. Түөрт атах буолан тыаһаабакка аргыый сыбдыйан истэҕинэ, бастакы ороҥҥо биир сэргэх кыыс баар эбит. Ыйыппыт: “Бээрэ, бу ханна айаннаан иһэҕиний?”. Онуоха уол эппиэтэ аһаҕас: “Суох ээ, оттон эн?” – диэбит. Кыыс: “Мин даҕаны ханна барыахпыный, сыттаҕым бу дии...”.

<strong>Оҥку.</strong>