Бу кыһын Ил Түмэн 2019 сыл ахсынньы 12 күнүгэр, 2020 сыллааҕы үбү (бюджет) ханна туттуллуохтааҕын быһаарбыппыт. Кэтэһиллибитин курдук, депутаттар бэйэбит көрүүлэрбитин бюджет хайысхатынан суруйан киллэртээбиппит. Бу барыта Ил Түмэҥҥэ быыбар лоп курдук биир сыл ааспытын кэннэ буолбута.

Билигин ааспытын кэннэ өйдөттөххө, сорох партиялар быыбар иннинээҕи программаларын көтөҕөн көрүөххэ баар этэ, күндү быыбардааччы. Төһө толорон иһэрий талыллыбыт депутатыҥ бэйэтин эрэннэрбит соругун?..

Ол курдук, мин эмиэ бэйэм көрүүбүн тыа хаһаайыстыбатын комитетын чилиэнэ буоларым быһыытынан Саха сирин хас биирдии оту оттуур киһиэхэ тигистин диэн трактор туттар уматыгар соляркаҕа, биирдии туоннатыгар окко 30 лиитэрэ солярка барарынан, онно сөп түбэһиннэрэн биирдии лиитэрэтигэр суударыстыба бюджета уйунуохтаах диэммин аҥаарын субсидия көрүллэригэр боппуруоһу туруорустум.

Быһааран суруйдахха маннык: Саха сирэ 500 тыһыынча туонна оту сылын ахсын оттуур. Биир лиитэрэ солярка ортотунан 60 солкуобай. Сыаната барыта 900 мөлүйүөн солкуобай тахсар. Ол эбэтэр лоп курдук аҥаарын ыллахпытына 450 мөлүйүөн солкуобайы судаарыстыба уйунан отчут 30 солкуобайга биирдии лиитэрэ солярканы атыылаһан сүҥкэн көмө буолуохтаах этэ.

Онтум баара депутат-коллегаларым утары куоластааннар тыа дьонун эмиэ харчыттан матардылар. Куоластааһын ааттарынан партиятын көрдөрөн туран бэчээттиибин:

Тыа сиригэр оттооһуҥҥа 2020 сыл сайынын туттуллар солярка 30 солкуобай буоларыгар куоластаабыт депутаттар:

  1.  Аммосов Петр Револьдович — КПРФ;
  2.  Губарев Виктор Николаевич — КПРФ;
  3.  Кожухов Евгений Романович — КПРФ;
  4.  Макаров Вячеслав Сергеевич — КПРФ;
  5.  Никитин Семён Иванович — КПРФ;
  6.  Пинигин Павел Павлович — Биир ньыгыл Россия;
  7.  Пустовой Олег Александрович — КПРФ;
  8.  Романов Иннокентий Иванович — КПРФ;
  9.  Солнышкина Роза Васильевна — КПРФ;
  10. Христофорова Мария Николаевна — Биир ньыгыл Россия;
  11. Эверстов Михаил Ильич — Сиэрдээх Россия.

Туттуммуттар:

  1.  Афанасьев Софрон Антонович — Сиэрдээх Россия;
  2.  Богданов Владимир Николаевич — Сиэрдээх Россия;
  3.  Голомарева Елена Христофоровна — Биир ньыгыл Россия;
  4.  Николаев Андрей Михайлович — Биир ньыгыл Россия.

Утарбыттар:

  1. Алексеев Гаврил Николаевич — Биир ньыгыл Россия;
  2. Андреев Иван Иванович — Биир ньыгыл Россия;
  3. Атласова Алёна Николаевна — Биир ньыгыл Россия;
  4. Баишев Юрий Петрович — Биир ньыгыл Россия;
  5. Березин Семён Максимович — Биир ньыгыл Россия;
  6. Васильев Геннадий Анатольевич — Биир ньыгыл Россия;
  7. Гоголев Петр Васильевич — Биир ньыгыл Россия;
  8. Григорьев Игорь Иннокентьевич — Сиэрдээх Россия;
  9. Григорьева Антонина Афанасьевна — Биир ньыгыл Россия;
  10. Гуляев Михаил Дмитриевич — Биир ньыгыл Россия;
  11. Дорогань Андрей Николаевич — ЛДПР;
  12. Еремеев Алексей Ильич — Биир ньыгыл Россия;
  13. Ефимов Яков Ананьевич — Биир ньыгыл Россия;
  14. Жирков Александр Николаевич — Биир ньыгыл Россия;
  15. Захарова Нюргуйана Федоровна — Биир ньыгыл Россия;
  16. Зорин Родион Капитонович — Биир ньыгыл Россия;
  17. Кошуков Александр Андреевич — Биир ньыгыл Россия;
  18. Ксенофонтов Павел Валериевич — Биир ньыгыл Россия;
  19. Лебедев Виктор Николаевич — Биир ньыгыл Россия;
  20. Лютый Валерий Алексеевич — Биир ньыгыл Россия;
  21. Мамедов Алищ Забид оглы — Биир ньыгыл Россия;
  22. Местников Василий Александрович — Биир ньыгыл Россия;
  23. Михайлова Оксана Тагировна — Биир ньыгыл Россия;
  24. Находкин Андрей Михайлович — Биир ньыгыл Россия;
  25. Николаев Арсентий Прокопьевич — Биир ньыгыл Россия;
  26. Николаев Юрий Михайлович — Биир ньыгыл Россия;
  27. Петров Павел Петрович — Биир ньыгыл Россия;
  28. Прокопьев Владимир Михайлович — Биир ньыгыл Россия;
  29. Румянцева Наталья Леонидовна — Биир ньыгыл Россия;
  30. Семёнов Дмитрий Александрович — Биир ньыгыл Россия;
  31. Семерков Валентин Игоревич — ЛДПР;
  32. Силкина Марина Сергеевна — Биир ньыгыл Россия;
  33. Слепцов Иван Иванович — Биир ньыгыл Россия;
  34. Слоик Александр Степанович — Биир ньыгыл Россия;
  35. Федоров Виктор Николаевич — Биир ньыгыл Россия;
  36. Федотов Руслан Еремеевич — Биир ньыгыл Россия;
  37. Чичигинаров Владимир Ильич — Биир ньыгыл Россия.

Билигин үрдүк сир оттоммокко хаалан хаалар сирэ наһаа элбээтэ. Биричиинэтэ биир, солярка наһаа ыарахан сыаналаах. Онтон сылтаан от аҕыйах оттонор. От аҕыйах оттонор буоллаҕына сүөһү төбөтүн ахсаана аччыыр. Бу кэнники отут сылга судаарыстыба тыа хаһаайыстыбатыгар харчыны тарбаҕын быыһынан биэрэр. Үүттэн эн харчыланаҕын!

БЫЫБАРДААЧЧЫ ӨЙДӨӨ! Бу эн талбыт депутатыҥ!

Эн биири өйдөө, депутаты эн талаҕын, депутат үбү эйиэхэ тыырар уонна биэрэр. Эйиэхэ харчыны тыырбат депутаты тоҕо талбыккыный? Аймаҕыҥ дуо? Былыргыттан илдьэ кэлбит саха өһүн хоһоонун умуннуҥ дуо: уу чугаһа, уруу ырааҕа…

Пётр Револьдович АММОСОВ,

Ил Түмэн депутата.

«Туймаада» общественнай-политическай

хаһыат 514-с №-рэ, 18.06.2020 с.

Похожая запись

Добавить комментарий

Ваш адрес email не будет опубликован. Обязательные поля помечены *