
Коронавирус дьаҥа турбутунан сибээстээн үрдүкү сололоохтор 2019 сыллааҕы дохуоттарын, хамсаабат баайдарын-дуолларын декларациятын бу дьыл атырдьах ыйын 1 күнүгэр туттаран саҕалаабыттара. Ону да сорох-сорохтор кэмигэр туттарбакка бүтэһик болдьоххо диэри сыһаллар-соһоллор. Бу чахчы. Бэлэм бланкаҕа баары суруйан отчуоттуур туох уустуга эбитэ буолла? Эбэтэр оччо элбэх баайдаах буолан кыайан аахпакка өр мучумааннаналлара дуу?.. Дьиҥэ көстө-биллэ сылдьар үбү-харчыны, баайы-дуолу түргэнник суруйан биэрэр дьыала буоллаҕа эбээт.
Бу бэлиэтээһиҥҥэ үрдүкү сололоохтору барыларын хабан ааттаан-суоллаан ыйбатым. Матырыйаалым төбөтүгэр эппиэттиирдии ыйга 200 тыһ.солк. үөһээ дохуоттаммыт дьон эрэ киирдилэр.
СР ил дархана Николаев Айсен Сергеевичтан саҕалыаҕыҥ. Кини бу саас ыам ыйыгар социальнай ситимҥэ аһаҕас кэпсэтиигэ “ый ахсын 260-280 тыһ.солк. илиибэр ылабын” диэн бэйэтин сурутааччыларыгар этэн турар. Ылан көрүөҕүҥ. Былырыыҥҥы сыл түмүгүнэн ил дархан 8 мөл. 059 тыһ. 749 солк. диэн декларациятыгар отчуоту туттарбыт. Оччотугар ыйдааҕы дохуота 671 тыһ. 645 солк. буолан таҕыста. Бу иннинээҕи 2018 с. дохуотун декларациятыгар 8,7 мөл. диэн отчуоттаабыта. Быһа холуйан аахтахха ыйга 729 тыһ.солк. ылбыт. Оттон 2017 сыллаахха Дьокуускай куорат мэринэн олорон сыллааҕы дохуота 8 мөл. солк. тэҥнэспит эбит.
Кэргэнин сыллааҕы дохуота киниттэн 2,5 бүк үрдүк көрдөрүүлэммит – 21 мөл. 107 тыһ. 726 солк. Ыйдааҕытыгар таһаардахха 1 мөл. 758 тыһ. 977 солк. буолар. Бу дьиэ кэргэн баайын-дуолун ылан көрдөххө туһаныыга сылдьар 232,6 кв.м. иэннээх квартиралаахтар, 180,2 кв.м. иэннээх гараж-баанньык баар, 365,3 кв.м. иэннээх олорор дьиэлээхтэр, 4420 кв.м. иэннээх сир учаастактаахтар. Ил дархан тус бэйэтин аатыгар туспа хамсаабат баай-дуол баара суруллубатах. Кэргэнэ 352 уонна 50,5 кв.м. иэннээх бас билэр тутуулаах, Lexus GX 460 диэн маркалаах 2010 cыллаах массыыналаах. Сир учаастага, олорор дьиэ, гараж-баанньык уонна 157,1 кв.м. иэннээх тутуу сокуоннай сааһын туола илик кыыс оҕолорун аатыгар сурулла сылдьара көстөр.
СР баһылыгын уонна
правительствотын администрациятын үлэһиттэрэ
Колодезников Алексей Засимович – СР правительствотын председателин бастакы солбуйааччыта. Сыллааҕы дохуота 4 мөл. 654 тыһ. 186 солк. Ыйдааҕы доухуота быһа барыллаан 387 тыһ.солк. тэҥнэспит. Кэргэнин ыйдааҕы дохуота 153 тыһ.солк. кэриҥэ эбит. Былырыыҥҥы сыл түмүгүнэн 1 мөл. 835 тыһ. 766 солк. өлөрбүтүн туһунан отчуокка суруллар. Чааһынай бас билиитигэр Тойота Ланд Крузер Прадо массыыналааҕын туһунан ыйыллар. Кыттыгас баайдара-дуоллара: 2124 кв.м. иэннээх сир учаастактаахтар, 257,9 кв.м. иэннээх олорор дьиэлээхтэр, 164 кв.м. иэннээх гаражтаахтар. Сокуоннай сааһын туола илик биир оҕолоохтор.
Бычков Кирилл Евгеньевич – СР правительствотын председателин бастакы солбуйааччы эбээһинэһин толорооччу. Сыллааҕы дохуота 5 мөл. 308 тыһ.солк. Ыйдааҕытыгар хабаатыннардахха 442 тыһ.солк. тэҥнэһэр. Кэргэннээҕин туһунан сибидиэнньэҕэ ыйыллыбатах, сокуоннай сааһын туола илик икки оҕо баара ыйыллыбыт. Бычков бас билэр 3300 кв.м. иэннээх сир учаастактаах, 607,6 кв.м. иэннээх даачатын учаастагар баар тутуулаах, Хавал Н6 массыыналаах. 53,9 кв.м. иэннээх кыттыгас квартиралаах (1/3). Туһаныыга сылдьар 97,9 кв.м. иэннээх квартиралаах.
Балабкина Ольга Валерьевна – СР правительствотын председателин солбуйааччыта. Сыллааҕы дохуота 5 мөл. 234 тыһ.солк., ыйдааҕыта 436 тыһ.солк. тэҥнэһэр. Кэргэннээҕин туһунан эмиэ ыйыллыбатах. Бас билиитигэр 76,6 уонна 60,9 кв.м. иэннээх икки квартиралаах. Туһаныыга сылдьар 1482 кв.м. иэннээх сир учаастактаах.
Белозеров Денис Георгиевич – СР правительствотын председателин солбуйааччыта. Сыллааҕы дохуота 3 мөл. 685 тыһ.солк., ыйдааҕытыгар түҥэттэххэ быһа холоон 307 тыһ.солк. тахсар. Кэргэнин сыллааҕы хамнаһа быдан үрдүк эбит – 5 мөл. 919 тыһ.солк. Бу сууманы 12 ыйга түҥэттэххэ биир ыйдааҕы дохуота 493 тыһ.солк. тэҥнэһэр. Дьахтар бас билиитигэр 173,8 кв.м. иэннээх олорор дьиэлээх, КИА JA (Pikanto) массыыналаах, туһаныыга сылдьар 100 кв.м. иэннээх хостоох. Уопсай хамсаабат баайдарыгар-дуолларыгар 47,1 кв.м. иэннээх квартиралаахтар. Туһаныыга сылдьар 173,8 кв.м. иэннээх олорор дьиэлээхтэр.
Владимиров Афанасий Семенович – СР баһылыгын уонна правительствотын администрациятын салайааччыта. Сыллааҕы дохуота 3 мөл. 723 тыһ.солк., ыйдааҕытыгар таһаардахха 310 тыһ.солк. тэҥнэһэр. Бас билиитигэр 800 кв.м. иэннээх сир учаастактаах. Туһаныыга сылдьар 1249 кв.м. иэннээх сир учаастага баар. Кэргэнин ыйдааҕы дохуота 126 тыһ.солк., ол эбэтэр сыллааҕыта 1 мөл. 515 тыһ.солк. Бас билиитигэр икки массыына баара суруллубут. Туһаныыга сылдьар 9984 кв.м. иэннээх сир учаастактаах. Уопсай баайдарыгар 118,7 кв.м. иэннээх олорор дьиэ, 69,7, 61,3, 77,2 кв.м. иэннээх үс квартира баара ыйыллыбыт.
Иванов Павел Владимирович – СР баһылыгын уонна правительствотын администрациятын салайааччытын бастакы солбуйааччыта. Сыллааҕы дохуота 3 мөл. 177 тыһ.солк., ыйдааҕыта 264 тыһ.солк. Тус бэйэтин баайыгар 1125 уонна 1357 кв.м. иэннээх икки сир учаастактаах, 116,6 кв.м. иэннээх олорор дьиэлээх, Шевроле TAHOE массыыналаах, Меркурий мотуордаах, Солар тыылаах, прицептаах. Кэргэнин сыллааҕы дохуота 456 тыһ.солк. Бэйэтин чааһынайыгар 70,6 кв.м. иэннээх олорор дьиэлээх, ВАЗ LADA X-RAY массыыналаах. Сокуоннай сааһын туола илик биир оҕоло баара суруллубат.
Федоров Евгений Николаевич – СР баһылыгын уонна правительствотын администрациятын салайааччытын солбуйааччыта. Сыллааҕы дохуота 3 мөл. 419 тыһ.солк., ыйдааҕыта 284 тыһ.солк. тэҥнэһэр. Бас билиитигэр 1021 кв.м. иэннээх сир учаастактаах, 56,6 кв.м. иэннээх дачалаах, икки массыыналаах. Кэргэнин кытта уопсай кыттыгаска 183,7 кв.м. иэннээх квартиралаахтар, 20 кв.м. иэннээх гаражтаахтар. Кэргэнин сыллааҕы дохуота 280 тыһ.солк.
Гасанбалаев Михаил Джафарович – СР баһылыгын уонна правительствотын администрациятын салайааччытын солбуйааччыта. Сыллааҕы дохуота 3 мөл. 254 тыһ.солк., ыйдааҕыта 271 тыһ.солк. Кэргэнин былырыыҥҥы сыллааҕы дохуота 1 мөл. 230 тыһ.солк тэҥнэспит. Ыйдааҕыта 102 тыһ.солк. Хамсаабат баайдарыгар-дуолларыгар 98 кв.м. иэннээх квартиралаахтара уонна биир СУБАРУ Форестер массыына баара суруллубут, онтон атын туох да ыйыллыбатах. Сокуоннай сааһын туола илик биир оҕолоохтор.
Михайлов Георгий Николаевич – СР баһылыгын секретариатын салайааччыта. Сыллааҕы дохуота 3 мөл. 184 тыһ.солк., ыйдааҕыта 265 тыһ.солк. буолла. Бас билиитигэр НИССАН SERENA массыыналааҕа суруллубут. Кэргэнин сыллааҕы дохуота 404 тыһ.солк. Чааһынайыгар бас билиитигэр 1922 кв.м. иэннээх сир учаастактаах. Кэргэнниилэр уопсай баайдарыгар 106,3 кв.м. иэннээх квартиралаахтар. Сокуоннай саастарын туола илик түөрт оҕолоохтор. Бу оҕолор хас биирдии бэйэлэрин сыллааҕы дохуоттара 95 тыһ. 833 солк. диэн отчуокка суруллубут.
Агарков Александр Владимирович – СР правительствотын председателин бастакы солбуйааччы секретариатын слайааччыта. Сыллааҕы дохуота 2 мөл. 772 тыһ.солк., ыйдааҕытыгар таһаардахха 231 тыһ.солк. тэҥнэһэр. Кэргэннээҕин туһунан суруллубатах. Баайыгар-дуолугар 74,4 кв.м. иэннээх квартиралаах, Мерседес-Бенц уонна Тойота Камри массыыналаах. Туһаныыга сылдьар 90,5 кв.м. иэннээх квартира баара ыйыллыбыт.
Щербакова Оксана Владимировна – СР правительствотын председателин бастакы солбуйааччы секретариатын слайааччыта. Сыллааҕы дохуота 2 мөл. 495 тыһ.солк., ыйдааҕыта 207 тыһ.солк. Бас билиитигэр 65,7 кв.м. иэннээх квартиралаах. Уопсай үллэһиккэ (1/2) 43,8 кв.м. иэннээх квартира уонна туһаныыга сылдьар 120 кв.м. иэннээх олорор дьиэ баара суруллубут. Сокуоннай сааһын туола илик биир оҕолоох.
Испииһэккэ көстөрүнэн үс СР баһылыгын көмөлөһөөччүтэ баар: Борисов Ким Александрович, Ефимова Ирина Владиславовна уонна Канин Александр Николаевич. И.Ефимова уонна А.Канин сыллааҕы дохуоттара барыллаан 2 мөл. 200 тыһ.солк. эбит буоллаҕына Борисов Ким Александрович сыллааҕы дохуота 4 мөл. 646 тыһ.солк. тэҥнэспит, ыйдааҕытыгар түҥэттэххэ 387 тыһ.солк. тахсар. Кэргэнин сыллааҕы дохуота эмиэ добуоччу үрдүк эбит – 2 мөл. 154 тыһ.солк., ыйдааҕыта 179,5 тыһ.солк. тэҥнэһэр. Улахан баай-дуол баара көстүбэт, 90,8 кв.м. иэннээх квартира эрэ баара ыйыллыбыт. Сокуоннай сааһын туола илик үс оҕолоохтор, бу оҕолор биирдии бэйэлэрин сыллааҕы дохуоттара 186 тыһ.солк. диэн суруллубут.
СР баһылыгын советниктара төрдүөлэр: Канин Александр Николаевич (сыллааҕы дохуота 2 мөл. 245 тыһ.солк.); Климов Эдуард Владимирович (1 мөл. 993 тыһ.солк.) былырыыҥҥы сыллааҕы дохуоттара Тарасоваттан уонна Якушеваттан быдан намыһаҕа көстөр. Ол курдук Тарасова Татьяна Владимировна сыллааҕы дохуота 2 мөл. 700 тыһ.солк., ыйдааҕыта 225 тыһ.солк тэҥнэһэр. Тус бэйэтин бас билиитигэр 35 уонна 66,5 кв.м. иэннээх икки квартиралаах, кэргэннээҕин туһунан суруллубатах. Оттон Якушева Ирина Семеновна сыллааҕы дохуота 6 мөл. 770 тыһ.солк. тэҥнэспит. Ыйдааҕытыгар түҥэттэххэ 564 тыһ.солк. өлөрбүт. Хамсаабат баайыгар-дуолугар сурулларынан 54,9 уонна 74 кв.м. иэннээх икки квартиралаах, Ниссан Juke массыыналаах. Быһаарыы колонкатыгар суруллубутунан, квартира атыытын суумата дохуотугар эбиллибит диэн.
СР правительствотын председателин советниктара Борисов Егор Анатольевич (сыллааҕы дохуота 2 мөл. 46 тыһ.солк.) уонна Павлов Анатолий Васильевич (сыллааҕы дохуота 1 мөл. 515 тыһ.солк.) Семенова Елена Николаевнаттан дохуоттаракыра эбит. Елена Семенова сыллааҕы дохуота 2 мөл. 473 тыһ.солк. диэн сурулла сылдьар. Ыйдааҕытыгар таһаардахха 206 тыһ.солк. тэҥнэһэр. Чааһынай бас билиитигэр 985 кв.м. иэннээх сир учаастактаах, 18,9 кв.м. иэннээх даачалаах. Кэргэнин сыллааҕы дохуота 1 мөл.солк. Чааһынайыгар 1240 кв.м. иэннээх сир учаастактаах, 47,9 кв.м. иэннээх даачалаах, массыыналаах. Уопсай баайдарыгар-дуолларыгар 70,7 кв.м. иэннээх квартира баара көстөр.
Слепцов Михаил Эдуардович – Ис политика департаменын салайааччыта. Сыллааҕы дохуота 2 мөл. 971 тыһ.солк., ыйдааҕытыгар түҥэттэххэ 247 тыһ.солк тэҥнэһэр. Кэргэнин сыллааҕы дохуота 221 тыһ.солк. тахсыбыт, тойота массыыналааҕа суруллубут. Уопсай баайдарыгар-дуолларыгар 63,3 уонна 41,7 кв.м. иэннээх икки квартира баара ыйыллыбыт. Сокуоннай сааһын туола илик биир оҕолоохтор.
Николаева Степанида Иннокентьевна – Кадровай политика, государственнай уонна муниципальнай служба департаменын салайааччыта. Сыллааҕы дохуота 3 мөл. 224 тыһ.солк. эбит буоллаҕына, ыйдааҕыта 268 тыһ.солк. тэҥнэһэр. Кэргэннээҕин туһунан ыйыллыбатах. Хамсаабат баайыгар-дуолугар бас билэр 106,4 кв.м. иэннээх олорор дьиэлээх. Туһаныыга сылдьар 148,1 кв.м. иэннээх квартира уонна 1106 кв.м. иэннээх сир учаастага баара биллэр.
Санникова Татьяна Николаевна – Хонтуруол уонна документоведения департаменын салайааччыта. Сыллааҕы дохуота 3 мөл. 138 тыһ.солк. Ыйдааҕытыгар түҥэттэххэ 261,5 тыһ.солк. тэҥнэһэр. Баайыгар-дуолугар уопсай үллэһиккэ баар (1/4) 93,3 кв.м. иэннээх квартиралаах, массыыналаах. Онтон атын тус бас билиитигэр туох да суруллубатах.
Романова Ольга Валерьевна – Государственнай уонна правовой боппуруостарга департаменын салайааччыта. Сыллааҕы дохуота 2 мөл. 853 тыһ.солк. Ыйдааҕытыгар түҥэттэххэ 237 тыһ.солк. тэҥнэһэр. Бас билиитин баайыгар 35 кв.м. иэннээх квартиралаах. Сокуоннай сааһын туола илик биир оҕолоох.
Членова Наталья Владимировна – Процесснай уонна проектнай управление департаменын салайааччыта. Сыллааҕы дохуота 3 мөл. 164 тыһ.солк. Ыйдааҕытыгар таһаардахха 263 тыһ.солк. тэҥнэһэр. Бэйэтин бас билиитигэр 1661 кв.м. иэннээх сир учаастактаах, 39,7 кв.м. иэннээх даачалаах, массыыналаах. Кэргэнин сыллааҕы дохуота 378 тыһ.солк. буолбут. Бас билиитигэр гаражтаах уонна массыыналаах. Кэргэнниилэр уопсай хамсаабат баайдарыгар-дуолларыгар ус квартиралаахтара ыйыллыбыт (94,3 кв.м., 89,1 кв.м., 172,3 кв.м.). Сокуоннай сааһын туола илик икки оҕолоохтор.
Саввинова Любовь Иннокентьевна – Государственнай протокол уонна государственнай награда управлениетын салайааччыта. Сыллааҕы дохуота 2 мөл. 452 тыһ.солк. Ыйдааҕытыгар таһаардахха 204 тыһ.солк. тэҥнэһэр. 49,7 кв.м. иэннээх олорор дьиэ, 69,7 кв.м. иэннээх квартира уонна 13,6 кв.м. иэннээх тутуу баара суруллубут. Кэргэннээҕин туһунан ыйыллыбатах, сокуоннай сааһын туола илик үс оҕолоох.
Соловьева Анна Афанасьевна – СР оҕо быраабын көмүскүүр боломуочунай. Сыллааҕы дохуота 3 мөл. 279 тыһ.солк. Ыйдааҕыта 273 тыһ.солк. тэҥнэһэр. Баайыгар-дуолугар сир учаастага уонна квартира баара ыйыллыбыт.
Михаил ПЕТРОВ.
tuymaada.ru