Саха сирин министрдэрин уонна солбуйааччыларын 2019 сыллааҕы дохуоттара, хамсаабат баайдара-дуоллара.
Бу да сырыыга ыйга 200 тыһ.солк. үөһээ дохуоттаммыт үрдүкү сололоох чиновниктары ойуччу тутан ырыттым.
Афанасьев Сахамин Миланович – СР айылҕа харыстабылын министрэ. Былырыыҥҥы сыллааҕы дохуота 4 мөл. 461 тыһ.солк.. Оччотугар ыйдааҕы дохуотун билээри 12 ыйга түҥэттэххэ 371 тыһ.солк. тэҥнэһэр. Кэргэнин дохуота “0” эрээри массыыналаах эбит. Хамсаабат баайдарыгар-дуолларыгар 55,1 кв.м. иэннээх квартиралаахтар. Туһаныыга баар 943 кв.м. иэннээх сир учаастага, 150 кв.м. иэннээх тутуллан бүтэ илик объект, 48 кв.м. иэннээх гараж баара ыйыллыбыт. Сокуоннай сааһын ситэ илик биир оҕолоох.
Яковлев Семен Илларионович – СР айылҕа харыстабылын министрин бастакы солбуйааччыта. Былырыыҥҥы сыллааҕы дохуота 3 мөл. 305 тыһ.солк. тэҥнэспит, ыйдааҕыта – 275 тыһ.солк. Бас билиитигэр 3 (512 кв.м., 1134 кв.м., 1483 кв.м.) сир учаастактаах, 1075 кв.м. уонна 1000 кв.м. иэннээх икки оҕуруот учаастактаах, 86,6 кв.м. иэннээх квартиралаах, 36 кв.м. иэннээх тутуулаах. Кэргэнэ предприниматель, сыллааҕы дохуота 440 тыһ.солк.. Бэйэтин аатыгар икки сир учаастактаах (777 кв.м., 514 кв.м.), 1506 кв.м. иэннээх оҕуруот учаастактаах. 179 кв.м. уонна 633 кв.м. иэннээх икки олорор дьиэлээх. Уопсай хамсаабат баайдарыгар 33,9 кв.м. иэннээх олорор дьиэ баара суруллубут.
Додохов Николай Васильевич – СР айылҕа харыстабылын министрин солбуйааччыта. Сыллааҕы дохуота 9 мөл. 663 тыһ.солк., ыйдааҕытыгар түҥэттэххэ 805 тыһ.солк. тэҥнэһэр. Бас билиитигэр 1530 кв.м., 950 кв.м., 950 кв.м. иэннээх үс т/х аналлаах учаастактаах, 1825 кв.м. иэннээх сир учаастактаах, 24 кв.м. иэннээх массыына уонна гараж турар сирдээх, 22,6 кв.м. иэннээх гаражтаах, “Ямаха Гризли 750” мотовездеходтаах. Кэргэннээҕин туһунан ыйыллыбатах, сокуоннай сааһын туола илик икки оҕолоох. Кыыһын аатыгар 307 кв.м. иэннээх олорор дьиэ уонна 932 кв.м. иэннээх сир учаастага суруллубут.
Пихтин Эдуард Валерьевич – СР айылҕа харыстабылын министрин солбуйааччыта. Сыллааҕы дохуота 2 мөл. 767 тыһ.солк. Ыйдааҕыта 230 тыһ.солк. тэҥнэһэр. Бас билиитигэр ГАЗ 23107 массыыналаах. Кэргэнэ дьиэ хаһаайката, чааһынайыгар массыыналааҕын туһунан ыйыллыбыт. Сокуоннай сааһын туола илик биир уоллаахтар. Уопсай хамсаабат баайдарыгар-дуолларыгар 42,3 кв.м. иэннээх квартира, 1252 кв.м. иэннээх сир учаастага, 139 кв.м. иэннээх олорор дьиэ баара биллэр.
Агеев Алексей Николаевич – СР айылҕа харыстабылын министрин солбуйааччыта. Сыллааҕы дохуота 2 мөл. 624 тыһ.солк. Ыйдааҕытыгар хабаатыннаран таһаардахха 218 тыһ.солк. тэҥнэһэр. Бэйэтин аатыгар 53,1 кв.м. иэннээх квартиралаах, “Тойота Ланд Крузер 200” массыыналаах. Кэргэнэ предприниматель, былырыыҥҥы сыллааҕы дохуота 708 тыһ.солк. тэҥнэспит. Уопсай баайдарыгар 74,1 кв.м. иэннээх квартира баара суруллубут. Сокуоннай саастарын туола илик уоллаах кыыс оҕолоохтор.
Борисова Елена Афраимовна – СР доруобуйа харыстабылын министрэ. Сыллааҕы дохуота 3 мөл. 560 тыһ.солк. Ыйдааҕытыгар хабаатыннардахха 296 тыһ.солк. тахсар. Тус бэйэтин аатыгар 123,3 кв.м. иэннээх квартиралаах уонна массыыналаах. 61,7 кв.м. иэннээх сокуоннай сааһын туола илик оҕотунаан уопсай үллэһиккэ квартиралаах, туһаныыга баар 76,3 кв.м. иэннээх квартира баара суруллубут.
Егоров Владимир Анатольевич – СР үөрэх уонна наука министрэ. Сыллааҕы дохуота 3 мөл. 68 тыһ.солк., ыйдааҕытыгар түҥэттэххэ барыллаан 255 тыһ.солк. тэҥнэһэр. Кэргэнин сыллааҕы дохуота 3 мөл. 122 тыһ.солк., ыйдааҕыта 260 тыһ.солк. буолан таҕыста. Дьахтар бас билиитигэр 1320 кв.м. иэннээх сир учаастактаах, 54,6 кв.м. иэннээх даачалаах, икки массыыналаах. Кэргэнниилэр уопсай хамсаабат баайдарыгар-дуолларыгар икки квартиралаахтара суруллубут.
Присяжный Михаил Юрьевич – СР үөрэх уонна наука министрин бастакы солбуйааччыта. Сыллааҕы дохуота 3 мөл. 107 тыһ.солк., ыйдааҕытыгар хабаатыннардахха 258 тыһ.солк. тэҥнэһэр. Кэргэннээҕин туһунан сибидиэнньэҕэ ыйыллыбатах, сокуоннай сааһын туола илик икки оҕолооҕо суруллубут. Туһаныыга баар 70,3 кв.м. иэннээх квартира баар. Онтон ордук туох да хамсаабат баайа-дуола суох эбит.
Маркова Марьяна Валерьевна –СР үөрэх уонна наука министрин солбуйааччыта. Сыллааҕы дохуота 2 мөл. 753 тыһ.солк., ыйдааҕыта 229 тыһ.солк. тэҥнэһэр. Кэргэнин сыллааҕы дохуота 454 тыһ.солк. диэн суруллубут, бас билиитигэр Форд Фокус массыыналаах. Сокуоннай сааһын туола илик биир оҕолоохтор. Уопсай баайга-дуолга 62,8 кв.м. иэннээх квартира баар. Туһаныыга баар 83,8 кв.м. иэннээх квартира ыйыллыбыт.
Волкова Елена Александровна – СР үлэ уонна социальнай сайдыы министрэ. Сыллааҕы дохуота 5 мөл. 154 тыһ.солк., ыйдааҕытыгар түҥэттэххэ 429,5 тыһ.солк. тэҥнэһэр. Чааһынай бас билиитин баайыгар-дуолугар 1000 кв.м. иэннээх сир учаастага, 54,9 кв.м. иэннээх квартира, 26,3 кв.м. иэннээх гараж уонна массыына баара суруллубут. Кэргэнин сыллааҕы дохуота 1 мөл. 202 тыһ.солк. буолбут. Сокуоннай сааһын туола илик үс оҕолоохтор.
Алексеев Иван Иванович – СР үлэ уонна социальнай сайдыы министрин бастакы солбуйааччыта. Сыллааҕы дохуота 2 мөл. 844 тыһ.солк., ыйдааҕытыгар түҥэттэххэ 237 тыһ.солк. тэҥнэһэр. Тус бас билиитигэр 995 кв.м. иэннээх сир учаастактаах, 101,5 кв.м. иэннээх даачалаах, 67,9 кв.м. иэннээх квартиралаах, массыыналаах. Кэргэнин сыллааҕы дохуота 112 тыһ.солк. тэҥнэспит, чааһынай бас билиитигэр массыыналаах. Сокуоннай саастарын туола илик үс оҕолоохтор.
Теплякова Елена Юрьевна – СР үлэ уонна социальнай сайдыы министрин солбуйааччыта. Сыллааҕы дохуота 6 мөл. 826 тыһ.солк., ыйдааҕытыгар түҥэттэххэ 568 тыһ.солк. тахсар. Министрдээҕэр үрдүк хамнастааҕа билиннэ. Чааһынай бас билиитин хамсаабат баайыгар-дуолугар 64,3 кв.м. иэннээх квартиралаах, 3,1 кв.м. иэннээх кладовкалаах, массыыналаах. Сокуоннай сааһын туола илик биир оҕолоох.
СР предпринимательствоҕа, атыыга уонна туризмҥа министерствотын үлэһиттэрэ 2019 сыллааҕы дохуоттарын сибидиэнньэтин сайттарыгар ыйаабатахтар. 2018 сыллааҕы декларация эрэ баара көстөр. Сэрэйдэххэ, былырыыҥҥы дохуоттарын отчуотун уһатан-кэҥэтэн туттара илик буолуохтарын сөп.
Атласов Александр Павлович – СР тыа хаһаайыстыбатын министрэ. Сыллааҕы дохуота 3 мөл. 213 тыһ.солк., ыйдааҕытыгар таһаардахха 267 тыһ.солк. тэҥнэһэр. Тус бэйэтин аатыгар 2380,2 кв.м. уонна 6000 кв.м. иэннээх икки сир учаастактаах. Кэргэнин сыллааҕы дохуота 3 мөл. 852 тыһ.солк., ыйдааҕыта 321 тыһ.солк. тэҥнэһэр. Бас билиитигэр 2008 с. Тойота Премио массыыналаах. Кэргэнниилэр уопсай хамсаабат баайдарыгар-дуолларыгар 90 кв.м. иэннээх олорор дьиэлээхтэр, 82,3 кв.м. иэннээх квартиралаахтар.
Осипова Татьяна Матвеевна – СР тыа хаһаайыстыбатын министрин бастакы солбуйааччыта. Сыллааҕы дохуота 2 мөл. 931 тыһ.солк. Ыйдааҕытыгар таһаардахха 244 тыһ.солк. тэҥнэһэр. Бас билиитигэр1573 кв.м. иэннээх сир учаастактаах. Кэргэнин сыллааҕы дохуота 1 мөл. 802 тыһ.солк. Тус бэйэтин хамсаабат баайыгар-дуолугар 148,8 кв.м. иэннээх олорор дьиэлээх, 2011 с. Тойота Ланд Крузер 200 массыыналаах.
Сивцев Владимир Михайлович – СР транспортка уонна суолга хаһаайыстыбатын министрэ. Сыллааҕы дохуота 3 мөл. 916 тыһ.солк., сыллааҕытыгар түҥэттэххэ 326 тыһ.солк. тэҥнэһэр. Тус билиитигэр “Тойота Марк 2” уонна “Тойота Ланд Крузер 200” массыыналаах. Кэргэнин сыллааҕы дохуота икки бүк курдук үрдүк эбит – 7 мөл. 892 тыһ.солк.. Ыйдааҕытыгар түҥэттэххэ 657 тыһ.солк. тэҥнэһэр. Кэргэнниилэр уопсай баайдарыгар-дуолларыгар 971 кв.м. иэннээх сир учаастага, 30 кв.м. иэннээх олорор дьиэ, 123,3 кв.м. иэннээх квартира баара суруллубут. Сокуоннай сааһын туола илик биир оҕолоохтор.
Владимиров Сергей Николаевич – СР транспортка уонна суолга хаһаайыстыбатын министрин бастакы солбуйааччыта. Сыллааҕы дохуота 3 мөл. 213 тыһ.солк., ыйдааҕытыгар таһаардахха 267 тыһ.солк. тэҥнэһэр. Тус бас билиитигэр 1107 кв.м. иэннээх сир учаастактаах, 64 кв.м. иэннээх тутуллан бүтэ илик объектаах. Туһаныыга баар икки квартира уонна олорор дьиэ суруллубут. Кэргэнин сыллааҕы дохуота 783 тыһ.солк. Бас билиитин баайыгар 60,9 кв.м. иэннээх квартиралаах. Сокуоннай саастарын туола илик икки оҕолоохтор.
Симонова Агния Семеновна – СР транспортка уонна суолга хаһаайыстыбатын министрин солбуйааччыта. Сыллааҕы дохуота 2 мөл. 465 тыһ.солк., ыйдааҕытыгар түҥэттэххэ 205 тыһ.солк. тэҥнэһэр. Кэргэннээҕин туһунан ыйыллыбатах. Хамсаабат баайыгар-дуолугар 75,2 кв.м. иэннээх квартиралаах. Онтон атын туох да баай-дуол баара суруллубатах.
Иванов Павел Владимирович – СР баайга-дуолга уонна сир сыһыаннаһыыларыгар министрэ. Сыллааҕы дохуота 3 мөл. 177 тыһ.солк., ыйдааҕыта 264 тыһ.солк. Тус бэйэтин баайыгар 1125 уонна 1357 кв.м. иэннээх икки сир учаастактаах, 116,6 кв.м. иэннээх олорор дьиэлээх, Шевроле TAHOE массыыналаах, Меркурий мотуордаах, Солар тыылаах, прицептаах. Кэргэнин сыллааҕы дохуота 456 тыһ.солк. Бэйэтин чааһынайыгар 70,6 кв.м. иэннээх олорор дьиэлээх, ВАЗ LADA X-RAY массыыналаах. Сокуоннай сааһын туола илик биир оҕо баара суруллубут.
Афанасьев Виктор Спиридонович – СР баайга-дуолга уонна сир сыҺыаннаһыыларыгар министрин бастакы солбуйааччыта. Сыллааҕы дохуота 2 мөл. 649 тыһ.солк., ыйдааҕытыгар таһаардахха 220 тыһ.солк. тэҥнэһэр. Чааһынай бас билиитигэр массыыналаах. Кэргэнин сыллааҕы дохуота 1 мөл. 539 тыһ.солк. тэҥнэспит. Бас билиитигэр 1346 кв.м. иэннээх оҕуруот сирэ учаастактаах. Уопсай хамсаабат баайдарыгар-дуолларыгар 79,60 кв.м. иэннээх квартира баара суруллубут.
Садовников Дмитрий Дмитриевич – СР ЖКХ уонна энергетикэ министрэ. Сыллааҕы дохуота 3 мөл. 353 тыһ.солк., ыйдааҕытыгар түҥэттэххэ 279 тыһ.солк. тэҥнэһэр. Бас билиитигэр 1200 кв.м. иэннээх сир учаастактаах. Кэргэнин сыллааҕы дохуота 43 тыһ. 190 солк.. Бас билиитигэр 1091 кв.м. уонна 827 кв.м. иэннээх икки сир учаастактаах, 40,1 кв.м. иэннээх квартиралаах, 21,2 кв.м. иэннээх олорор дьиэлээх. Уопсай хамсаабат баайдарыгар-дуолларыгар 1233 кв.м. уонна 1023 кв.м. иэннээх икки сир учаастага, 39,5 кв.м. иэннээх квартира баара суруллубут. Сокуоннай сааһын туола илик икки оҕолоохтор.
Емельянов Вячеслав Павлович – СР ЖКХ уонна энергетикэ министрин бастакы солбуйааччыта. Сыллааҕы дохуота 2 мөл. 446 тыһ.солк., ыйдааҕытыгар таһаардахха 203 тыһ.солк. тэҥнэһэр. Тус бас билиитигэр Тойота Пробокс массыыналаах. Кэргэнин сыллааҕы дохуота 1 мөл. 808 тыһ.солк., ыйдааҕыта 150 тыһ.солк. Кэргэнниилэр уопсай хамсаабат баайдарыгар-дуолларыгар 81,5 кв.м. уонна 83,4 кв.м. иэннээх икки квартиралаахтар. Онтон атын туох да суруллубатах. Сокуоннай саастарын туола илик икки оҕолоохтор.
Жондоров Валерий Алексеевич – СР Үп министрэ. Сыллааҕы дохуота 6 мөл. 846 тыһ.солк., ыйдааҕытыгар түҥэттэххэ 570 тыһ.солк. тэҥнэһэр. Чааһынай бас билиитигэр 27 кв.м. иэннээх гаражтаах уонна массыына турар сир учаастактаах. Кэргэнин сыллааҕы дохуота 419 тыһ.солк. Бас билиитигэр 794 кв.м. иэннээх даача сирэ учаастактаах, 39,1 кв.м. иэннээх даачалах. Уопсай хамсаабат баайдарыгар-дуолларыгар 121 кв.м. иэннээх квартиралаахтар.
Багынанов Павел Николаевич – СР Үп министрин бастакы солбуйааччыта. Сыллааҕы дохуота 4 мөл. 163 тыһ.солк., ыйдааҕыта 346 тыһ.солк. тэҥнэһэр. Бас билиитигэр Тойота Ланд Крузер 200 массыыналаах, мотуордаах лодкалаах, 56,7 кв.м. иэннээх квартиралаах. Кэргэнин сыллааҕы дохуота 131 тыһ.солк. Уопсай баайдарыгар-дуолларыгар 1400 кв.м. иэннээх даача сирэ, 21,2 кв.м. иэннээх даача, 85,8 кв.м. иэннээх квартира баара суруллубут. Сокуоннай сааһын туола илик биир оҕолоохтор.
Васильева Марианна Семеновна – СР Үп министрин солбуйааччыта. Сыллааҕы дохуота 3 мөл. 286 тыһ.солк., ыйдааҕытыгар түҥэттэххэ 273 тыһ.солк. тэҥнэһэр. Кэргэнин сыллааҕы дохуота 653 тыһ.солк. Уопсай хамсаабат-баайдарыгар дуолларыгар 70,6 кв.м. иэннээх квартира баарын туһунан ыйыллыбыт. Онтон атын туох да суруллубатах.
Неустроева Алена Петровна – СР Үп министрин солбуйааччыта. Сыллааҕы дохуота 3 мөл. 54 тыһ.солк., ыйдааҕыта 254,5 тыһ.солк. тэҥнэһэр. Бас билиитигэр 1287 кв.м. иэннээх сир учаастактаах, 256,4 кв.м. иэннээх олорор дьиэлээх, 68,7 кв.м. иэннээх квартиралаах. Сокуоннай сааһын туола илик биир оҕолоох.
Никонова Октябрина Петровна – СР Үп министрин солбуйааччыта. Сыллааҕы дохуота 3 мөл. 542 тыһ.солк., ыйдааҕыта 295 тыһ.солк. Бэйэтин бас билиитигэр массыыналаах, 1541 кв.м. иэннээх сир учаастактаах, 63,5 кв.м. иэннээх олорор дьиэлээх, 38,3 кв.м. иэннээх квартиралаах, 13,2 кв.м. иэннээх гаражтаах. Кэргэнин сыллааҕы дохуота 1 мөл. 379 тыһ.солк. Чааһынай бас билиитигэр 20,7 кв.м. иэннээх даачалаах, 22,8 кв.м. иэннээх гаражтаах. Кэргэнниилэр уопсай хамсаабат баайдарыгар-дуолларыгар үс сир учаастага уонна 78,8 кв.м. иэннээх квартира баара суруллубут.
Филиппова Надежда Иннокентьевна – СР Үп министрин солбуйааччыта. Сыллааҕы дохуота 3 мөл. 158 тыһ.солк. Ыйдааҕытыгар түҥэттэххэ 263 тыһ.солк. тэҥнэһэр. Бас билиитигэр 900 кв.м. иэннээх даача сирдээх. Кэргэнин сыллааҕы дохуота 2 мөл. 24 тыһ.солк. Бас билиитигэр икки массыыналааҕа суруллубут. Уопсай хамсаабат баайдарыгар-дуолларыгар 1660 кв.м. иэннээх сир учаастага уонна 144 кв.м. иэннээх даача баара биллэр.
Кэлэр сырыыга атын министерстволар баһырхай хамнастаах салайааччылара салгыы тахсыахтара.
Михаил ПЕТРОВ.
tuymaada.ru
